КИРЕНДІК МЕКТЕП (Кирен қаласының атымен), кейде оларды гедонистер деп те атайды. К.М. негізін қалаушы ойшыл Аристипптің (б.д.д. 435–355) көзқарасының қалыптасуына Сократтың да, софистердің де ілімдері үлкен әсер еткен. Танымның қайнар көзі – түйсік. Бірақ түйсік арқылы табиғаттың заңдылықтарын, оның қасиеттерін танып біле алмаймыз. Біз тек өзімізге тән субъективті қабілеттеріміздің нәтижесін ғана тани аламыз. Тек өзіміз сезінген ләззат пен қасірет қана игілік, рақымшылдық. Ләззат өткенге де, болашаққа да бағытталмайды, ол тек қазіргі нақтылық. Сондықтан «қазір ғана ала алатын ләззатқа ұмтылу керек» – деп тұжырымдайды Аристипп. Ләззатқа жетудің бірден-бір жолы
– өз еркіңмен қол жетпейтін, не қасірет әкелетін құмарлықтан бас тарту. Аристипп мемлекетті, оның заңдарын рахатқа бөлену, бақытқа жетудің құралы деп қарастырған.
Достарыңызбен бөлісу: |
