Баланы еңбек іс-әрекетінде дамыту
Мақсаты: мектепке дейінгі кіші жастағы балаларды еңбек іс-әрекетіне баулу, еңбекке деген тұрақты қызығушылыққа тәрбиелеу, еңбек дағдылары мен икемділіктерін қалыптастыру.
«Баланы еңбек іс-әрекетінде дамыту» тарауының мазмұнына мыналар кіреді: өзіне-өзі іс-әрекет ету; шаруашылық-тұрмыстық еңбек; табиғат бұрышында еңбек ету; табиғатта еңбек ету.
Еңбек іс-әрекетінде жыл соңында балалар мыналарды меңгеруі тиіс:
- өз бетінше әрекет ету дағдыларын иелену (киім кию, аяқ киім кию); киімін ретке келтіру – тазалау, кептіру;
- асхана кезекшісі міндетін өз бетінше орындау: іші шұңғыл табақтар қою, тамақ салынған тостағандар қою, нан салғыш қою, майлыққа арналған стакандарды қою, асхана аспаптарын орналастыру (қасық, шанышқы, пышақ);
- екінші жарты жылдықтан бастап ұйымдастырылған оқу іс-әрекетіне материалдар дайындау бойынша кезекші міндетін атқаруға үйрету: материалдарды, құралдарды жайғастыру және оларды сабақтан кейін жинап алу;
- табиғат бұрышында еңбек ету.
Достарыңызбен бөлісу: |
