Операциялық бару жолы . Алдын-ала мұрын қуысына тампонада жасайды (артқы
тампонада). Терілік тілікті қастың ұзынша бойымен бастап, одан әрі медиалді бағытта
мұрындық өсіндіге қарай бұрып, мұрын сүйегінің төменгі шетіне дейін жүргізеді
(көзұясы асты артериялары мен нервтерін зақымданудан мүмкіндігінше сақтау қажет).
1)
Жарақаттың шеттерін тартып, көзұясының жоғарғы қырына параллелді және
одан 5-7 мм жоғарылау бағытта сүйек қабығын тіледі.
2)
Распатормен сүйек қабығын жоғары және төмен ығыстырады, бірақ арасындағы
сүйек-сүйекқабығы жіңішке байланыстарын үзбеуге тырысқан жөн.
3)
Қойнаудың трепанациясын әдетте төменгі қабырғасы арқылы жүргізеді, бұл
жақта ол алдыңғы қабырғасына қарағанда жұқалау. Созылмалы іріңді қабыну диагнозы
нақтыланған соң, қашауыш немесе бұрғыша көмегімен қойнаудың алдыңғы қабырғасын
ашып кеңейтеді. Қойнаудың ішіндегі сүйектік қалқашаларды бұзады да, іріңді шығарады
және Фолькманн өткір қасығымен ішіндегі өзгеріске ұшыраған кілегей қабық пен
грануляцияларды қырып тазалайды.
4)
Жоғарғы жақсүйектің маңдайлық өсіндісін резекциялайды, бұдан соң мұрын
қуысымен жеткілікті байланыс қуыс пайда болады. Қажет болған жағдайда, ұяшықтарды
ашады.
5)
Маңдай қойнауына дренаж қояды да, оның ұшын танау тесігінен шығарып қояды.
6)
Жарақатқа тампондар қояды. Теріге тігістер салады.
