Бастың милық бөлімі Маңдай-шеке-шүйде аймағы (regio-fronto-occipitalis). Мұның құрамындағы
маңдай, екі шеке және шүйде аймақтары жұмсақ тіндері мен күмбез сүйектерінің
анатомиялық құрылысы ұқсас болғандықтан бір аймаққа (маңдай-шеке-шүйде)
біріктірілген.
Шекаралары: алдынан-көз ұясының жоғарғы қыры, бүйірінен-маңдай сүйектің
бетсүйектік өсіндісінің артқы қырынан басталып, шеке сүйектегі жоғарғы самай
сызығына жалғасып, емізік тәрізді өсіндінің кетігіне дейін баратын дөңес сызық,
артынан-жоғарғы желке сызығы мен сыртқы шүйде төмпешігі. Аталған аймақта бас
күмбезін жауып тұрған жұмсақ тіндердің қалыңдығы 0,5 см.
