Пәннің мақсаты: Баспасөз – қай заманда болса да қай кезеңде де қоғамға қызмет ететін өзіндік рөлі бар ақпараттар ағыны. Ал қазіргідей әлемдік ақпарат жүйесінде ең алдымен баспасөздің жеделдігі, нақтылығы, мазмұндағы, дәлділігі басты рөл атқарады. Қоғамда болып жатқан әр алуан, ірілі-ұсақты оқиғалар туралы дер кезінде оқырмандарына мәлімет жеткізу міндетін атқаратын мерзімді басылым, уақыт өте келе баға жетпес құнды деректер көзіне айналды. Халыққа болған оқиға туралы жедел ақпарат таратқан мерзімді басылым, сол оқиға туралы өз бойына қажетті мағлұматтар да жинайды, сөйтіп уақыт өте келе өзі де тарихи дерек көзі ретінде ғылымдарға қызмет етіп, оқиғалардың кейбір қырларын ашуға көмектеседі.
Міндеттері:
Қазақ баспасөзінің даму, зерттелу тарихына қысқаша шолу жасау;
Қазақ баспасөзі лексикасын тақырыптық-семантикалық топтарға бөліп қарастыру;
Қазақ баспасөзі лексикасының жасалу тәсілдерін анықтау;
Қазақ баспасөзіндегі әдеби тілдің қызметін кеңейтіп, тіл мәдениетін арттырудағы рөлін анықтау.
Пәнді игеру барысында қалыптасатын құзыреттіліктер мен күтілетін нәтижелер:
Бұл курс білім алушы бойында тіл, стиль сияқты журналистік шеберліктің маңызды жақтарына ден қоюын қалыптастырады;
ауызша және жазбаша жұмыстардың, түсірілген бейнесюжеттердің, жазылған аудиотаспалардың лексикалық, грамматикалық, синтаксистік жағынан ойға қонымды етіп орындалуын және олардың тілі мен стилі жағынан жатық әрі сауатты болуын меңгереді;
газет-журнал материалдарының, телевизия және радио хабарларының тілдік, стильдік ерекшеліктерін саралай алады;
әр түрлі тақырыпта материал жазғанда басылымның телерадиоарнаның өзіндік ерекшелігіне сәйкес сөз қолдану тәсілдерін таңдай білуге дағдыланады.
І. Пәннің технологиялық картасы
Достарыңызбен бөлісу: |
