Ќазаќстан республикасы ѓылым жєне білім министрлігі
KКT 2201 КӘСІБИ ҚАЗАҚ ТІЛІ
жүктеу/скачать 1,4 Mb. Pdf көрінісі
|
5В070100-Биотехнология (1)
- Бұл бет үшін навигация:
- Пікір жазғандар : Дюскалиева Г.О.
| KКT 2201 КӘСІБИ ҚАЗАҚ ТІЛІ
Көлемі 2 кредит Авторлар: Иманқұлова С.М. - филология ғылымдарының кандидаты, доцент Егізбаева Н.Ж. – филология ғылымдарының кандидаты, доцент Ережепов А.Е. - биология ғылымдарының кандидаты, биотехнология кафедрасының доценті Уалиева П.С. - биология ғылымдарының кандидаты, биотехнология кафедрасының доценті Абдиева Г.Ж. - биология ғылымдарының кандидаты, биотехнология кафедрасының доценті Пікір жазғандар : Дюскалиева Г.О. - биология ғылымдарының докторы, профессор, Қазақ мемлекеттік қыздар педагогикалық университеті Ақымбек С.Ш. - филология ғылымдарының кандидаты, доцент, әл-Фараби атындағы Қазақ Ұлттық университеті ТҮСІНДІРМЕ ХАТ Қазіргі таңда қызмет етудің барлық саласында белгілі бір білімге, шеберлік пен дағдыға, жеке адами қасиетке ие, өзінің кәсіби қызметін жоғары деңгейде атқаратын, бәсекеге қабілетті білікті мамандарға сұраныс артып келеді. Мұндай сұраныс жоғары кәсіби білім мақсатын анықтауға себепші болды. Қоғамдағы тілдік жағдай еңбек нарығының нақты сұраныстарына сай мамандардан тек қазақ тілінде сөйлеу дағдысын талап етіп қана қоймай, таңдаған қызмет саласында табысты жұмыс істеп, жеке әлеуметтік қасиеттерін (азаматтық, мақсатқа талпынушылық, ұйымдастырушылық, еңбекқорлық, коммуникативтілік, төзімділік, әлеуметтік бейімделушілік) қалыптастыру мен дамытуды мақсат етеді. Сондай-ақ алған тілдік білімін қатысымда (іскерлік кездесулерде, қызмет барысында, мәжіліс, жиындарда және т.б.) ұтымды пайдалана алу дағдысын да көздейді. Бүгінгі студент – болашақ маман өзінің алға қойған мақсатына жетуі үшін үнемі ізденіп, білімі мен біліктілігін арттырып, бірнеше тілді жетік меңгеруге, әсіресе қызметіне қатысты кәсіби қазақ тілін үйренуге қызығушылығы артады. Бұл өз кезегінде қазіргі студенттің кәсіби қазақ тіліне деген сұранысының артуына ықпалын тигізіп, тілдік тұлғаның сөздік қорын, кәсіби лексикасын дамытуға жол ашады. Биотехнология көп салалы және көп білімді қажет ететін өндіріс болып табылады. Биотехнология ғылыми және өнеркәсіптік мақсатта биотехнологияның негізіндегі қолданбалы ғылымдарда қолданылатын 4 биохимиялық, микробиологиялық, химико-аналитикалық және басқа да зерттеу тәсілдерін қолданады. Биотехнологияның дербес ғылым бағыты ретінде қалыптасуы өз тәсілдерінің дамуына әкелді. Бұл бионысандарды дақылдау, биомасса ферментациясы, изоляция және алынатын өнімдерді тазалау тәсілдері. Типтік бағдарлама Кәсіби қазақ тілі курсының қазіргі кездегі әдістемелік және ғылыми мазмұнына сәйкес жалпы стандарт талаптарын сай, алыс және жақын шет елдердің оқу орындарында оқытылу тәжірибиесі және ҚазҰУ-нің биология және биотехнология факультетінің білікті педагогтарының тәжірибелерін ескере отырып құрастырылған. Студенттердің тілдік білімін, сөйлеу мәдениеті мен тілдік құзіреттілік деңгейін жетілдіру «Кәсіби қазақ тілінің» жалпы білім беру бағдарламасындағы оқу пәні ретінде маңызын арттырады. Кәсіби қазақ тілі оқу пәні ретінде төмендегідей сипатқа ие: пәнаралық (қазақ тіліндегі сөйлеу мазмұны түрлі білім салаларынан: тарих, экономика, ақпараттану, химия, физика, биология, география, математика, және т.б. хабар береді); сан салалы (бір жағынан – сан алуан тілдік құралдарды тілдің түрлі аспектілерімен: фонетика, лексика, грамматикамен байланысты меңгеру, екінші жағынан – сөйлеу әрекетінің төрт түрлі әрекетін (тыңдалым, оқылым, жазылым, айтылым ) жетілдіру қажеттілігі; сан алуан қызметтілігі (оқыту мақсатында және түрлі білім саласынан ақпарат алу құралы ретінде). Кәсіби қазақ тілін меңгеру студентті шығармашылық ойлауға, көзқарасын кеңейтуге, өзінің жеке қасиеттерін жан-жақты ашуға, яғни кәсіби білімін дамытуға әсерін тигізеді . Студент өзіндік жұмыс орындаудың дағдысын қалыптастырады, шығармашылық дербестікке қол жеткізеді, сол арқылы тілдік түсініктерді, логиканың барлық түрлерін (талдау, синтездеу, салыстыру, тұжырымдама жасау) жетілдіреді. Бұл айтылғандардың бәрі кәсіби білімді жетілдіруге әсерін тигізетінін, жоғары білікті мамандарды даярлау міндетін шешудің жолдарын көрсетеді. жүктеу/скачать 1,4 Mb. Достарыңызбен бөлісу:
|