Қазақстан Республикасы Үкіметінің 23 шілде 2015 жылғы №578 Қаулысы

Қазақстан Республикасы Үкіметі ҚАУЛЫ ЕТЕДІ:

2. Осы қаулы алғашқы ресми жарияланған күнінен бастап қолданысқа енгізіледі.

Қазақстан Республикасы Білім және ғылым министрінің 20 наурыз , 2015 жылғы №137 бұйрығы. Қазақстан Республикасы Әділет министрлігінде 22 сәуір 2015 жылы №10768 тіркелген.

1. Қашықтықтан оқыту технологиялары бойынша оқу үдерісін ұйымдастыруға берілген Ережені бекіту.

2. Жоғары білім беру, жоғары оқу орнынан кейінгі білім беру және халықаралық ынтымақтастық департаментіне ( Шаймарданов Ж.К.):

1) белгіленген тәртіппен Қазақстан Республикасы Әділет министрлігінде осы бұйрықтың мемлекеттік тіркелуі қамтамасыз етілсін;

2) Қазақстан Республикасының Әділет министрлігінде мемлекеттік тіркеуден кейін, осы бұйрықтың ресми жариялануы қамтамасыз етілсін;
3) Қазақстан Республикасы Білім және ғылым министрлігінің ресми интернет-ресурсында осы бұйрықтың орналастырылуы қамтамасыз етілсін.

3. Осы бұйрықтың орындалуын бақылау Білім және ғылым вице-министрі Т.О. Балықбаеваға жүктелсін.

4. Осы бұйрық алғашқы ресми жарияланғанынан кейін күнтізбелік он күннен кейін қолданысқа енгізіледі.

Министр А. Саринжипов

Бекітілді

Қазақстан Республикасының

Білім және ғылым министрінің

20 наурыз, 2015 жылғы № 137

бұйрығымен

Қашықтантан оқыту технологиясы бойынша оқу үдерісін ұйымдастыру Ережесі

1. Жалпы ережелер

1. Осы Ереже қашықтантан білім беру технологиясы бойынша оқу үдерісін ұйымдастыру (бұдан әрі - Ереже) Қазақстан Республикасының 27 шілде 2007 жылғы «Білім туралы» Заңының 5-бабы, 25-тармағына сәйкес әзірленген және қашықтықтан білім беру технологиялары бойынша оқу үдерісін ұйымдастыру тәртібін айқындайды.

2. Қашықтантан оқыту технологиясы (бұдан әрі - ҚОТ) мынадай түрде іске асырылады: теледидар технологиясы, желілік технология мен кейс технологиясы.

3. Қашықтантан оқыту технологиясының субъектілері білім алушылар, педагогикалық қызметкерлер және білім беру мекемесі.

4. ҚOT білім беру ұйымдарында дербес жүзеге асырылады.

5. Осы Ережеде мынадай терминдер мен анықтамалар пайдаланылады:

1) ақпараттық-білім беру порталы – әкімшілік-академиялық, оқу-әдістемелік ақпараттарды қамтитын, ҚОТ бойынша оқыту үдерісін ұйымдастыруға мүмкіндік беретін өзара байланысты жинақталған ақпараттық ресурстар жүйесі мен ғаламтор қызметтері;

2) ақпараттық-білім беру ресурстары – білім беру сипаттағы ресми идеялар мен білім, түрлі деректер, оларды жинақтау әдістері мен құралдары, дереккөз бен ақпаратты пайдаланушы арасындағы ақпаратты сақтау және алмасу;

3) желілік технология – оқу-әдістемелік материалдарды ұсыну, білім алушының оқытушымен және бір-бірмен интерактивті әрекет ету түрлері, әрі ғаламторды пайдалану арқылы білім беру үрдісін әкімшілік басқару;

4) кейс технологиясы – білім алушының өздігінен оқуы үшін жіберілетін қағаз, электрондық және басқа да ақпаратты жеткізетін құралдар арқылы топтастырылған оқу-әдістемелік материалдар жинағының (кейстер) технологиясы.

5) контент – оқу материалдарының (мәтіндер, графика, мультимедиа және басқа да маңызды ақпараттық толықтырулар) ақпараттық толықтырулары;

6) Қашықтықтан оқыту технологиясын іске асыратын білім беру ұйымдарының интернет-ресурстары – білім беру үдерісіне қатысушыларға әкімшілік және академиялық ақпарат беретін интернет-ресурстар.

1) қашықтықтан оқытудың ақпараттық технологиясы – электронды жеткізу құралдарында оқу материалдарын құрастыру, жіберу және сақтау, білім беру үдерісін ұйымдастыру және қолдаудың ақпараттық және телекоммуникациялық технологиялары;

2) Мультимедиа – пайдаланушылар түрлі деректермен (графика, мәтін, дыбыс, бейне) диалог режимінде жұмыс істеуге мүмкіндік беретін аппараттық және бағдарламалық құралдар жиынтығы;

3) "on-line" – нақты уақытта ақпарат алмасу;

4) "off-line" – бос уақыт кеңістігіндегі ақпарат бөлісу сабағы;

5) силлабус – оқытылатын пәннің қысқаша мазмұнының сипаттамасы, оқу пәнің негізгі сипаттамаларын қамтитын студенттерге арналған пән бойынша оқу бағдарламасы;

6) теледидар технологиясы – эфирлік, кабельдік және спутниктік жүйедегі теледидарды пайдалануға негізделген технология;

7) тестілеу кешені – білім беру үрдісінің барлық кезеңінде білім алушыны оқу материалын меңгеру деңгейін анықтауды қамтамасыз ететін бағдарламалық құралы;

8) тьютор – білім алушыға пәнді оқытушы көмегімен меңгеруге көмек беретін тұлға.

2. Қашықтықтан оқыту технологиялары бойынша оқу үдерісін ұйымдастыру тәртібі 

6.ҚОТ бойынша оқу үдерісін ұйымдастыру үшін білім беру ұйымынан талап етеді:

1) Студенттер үшін оқу-әдістемелік, ұйымдастырушылық және әкімшілік ақпараттан тұратын беттері бар білім беру порталының болуы;

2) Телекоммуникация желісіне қосылуға мүмкіндігі бар жабдықтар (ғаламтор, спутниктік теледидар);

2) мультимедиялық сыныптар және электрондық оқу залдары;

3) білім беру контенті;

4) тестілеу кешені;

5) білім беруді жүйелік басқару(Learning Management System) .

7. Қашықтықтан оқыту технологиялары білім беру ұйымының оқу үдерісіне енгізу үшін:

1) оқытушы, тьютерлер мен қашықтықтан оқыту технологиясын жүзеге асыратын қызметтерді оқыту ұйымдастырылады;

2) білім беру ресурстарын жасау және жаңарту үшін профессор-оқытушылар құрамы мен педагогикалық қызметкерлерге жағдай жасалады;

3) қағазға немесе ақпараттық технологиялар арқылы білім алушыларға оқу материалдарының жеткізілуі;

4) «on-line» режимінде консультациялар ұйымдастыру және өткізу;

5) «off-line» режимінде білім алушылармен кері байланыстың қамтамасыз етілуі;

6) «on-line», «off-line» режимінде білім алушылардың оқу жетістіктерін бақылау;

7) аутентификациялау жүйесі арқылы білім алушының жеке басының сәйкестендіруі.

7. ҚOT білім алушыларға қолданылады:

1) техникалық және кәсіптік, жоғары, орта бiлiмнен кейiнгi және жоғары оқу орнынан кейінгі білім беруде оқытудың барлық түрлеріне;

2) бастауыш, орта, жалпы орта, техникалық және кәсіптік, орта бiлiмнен кейiнгi және жоғары білім негізінде білім берудің қысқартылған бағдарламалары бойынша;

3) білім берудің барлық деңгейлерінде мүмкіндігі шектеулі тұлғалар, соның ішінде бала кезінен мүгедектер, І және ІІ топтағы мүгедектер, мүгедек балалары барлар;

4) «Болашақ» стипендиясы игерлерін қоспағанда, бакалавриат және жоғары оқу орнынан кейінгі білім беру бағдарламасы бойынша мемлекеттен тыс жерге кеткендерге;

5) жоғары білімді сырттай оқыту түрінде оқитын білім алушылар әскери қызметке шақырылғанда;

6) жоғары білім деңгейінде ұзақ мерзімді шетелдік іссапарда (4 айдан астам) болғандарға;

5) мекеме тиісті техникалық жабдықтармен қамтамасыз етілген болса, колонияда жазасын өтеп жатқан сотталғандарға;

9. Жоғары оқу орындарының шетелдік серіктес жоғары оқу орындарымен бірлескен білім беру бағдарламаларын іске асыруда ҚOТ қолданылады.

10. Қашықтықтан оқыту технологиялары бойынша жоғары оқу орнынан кейінгі білім беру бағдарламалары бойынша білім алушылар тек білім беру компоненттерінің немесе оқу пәндерінің кредиттерін меңгереді.

11. ҚОТ бойынша білім алғысы келгендер ҚOT-ты пайдалануға мүмкіндігінің дәлелді негіздемесін көрсеткен, растайтын құжаттарды қоса тапсырып, білім беру ұйымы басшысының атына еркін түрдегі өтініш жазады.

Мүмкіндігі шектеулі балалар ҚОТ бойынша оқу үдерісіне қатысуға болатындығы туралы психологиялық-медициналық-педагогикалық консультациялардың берген ұсынысын көрсетеді.