Тәрбие кең мағынасында – бұл рухани жағынан үнемі жетілу және баюда көп салалы процесс. (В.А. Сухомлинский).
Тәрбие – бұл адам жанын жетілдіру өнері. Тәрбиеде адам табиғатын жетілдірудің ең күшті сыры бар. (И.Конт).
«Тәрбие кең мағынасымен алғанда, қандай да болса бір жан иесіне тиісті азық беріп, сол жан иесінің дұрыс өсуіне көмек көрсету деген сөз»(М.Жұмабаев).
Сонымен қатар тәрбие – жастарды әлеуметтік өмірге және еңбекке даярлау, оларға қоғамдық тарихи тәжірибелерді үйрету процесі.
\ Тәрбиенің мәні, біріншіден, қоғам үшін саналы, белсенді ісімен іскер азаматты қалыптастыру болса, екіншіден, жеке адам үшін оны өмір сүре білуге, өзін қоршаған ортамен қарым – қатынас жасай білуге үйрету.
Олай болса, тәрбие процесі деп қоғамның талап – тілектеріне сай әрбір жеке тұлғаның ақыл – ойын, сана – сезімін, ерік – жігерін, мінез – құлқын, ерекшеліктерін жүйелі түрде қалыптастырып, дамытудағы тәрбиешілер мен тәрбиеленушілердің өзара бірлескен іс–әрекетін айтамыз.
Тәрбиенің қоғамдағы атқаратын қызметіне орай өзіндік ерекшеліктері бар:
А) Тәрбие – қоғамдық құбылыс;
Б) Тәрбие – мақсатты процесс;
В) Тәрбие – біртұтас процесс;
Г) Тәрбие – ұзақ әрі күрделі процесс;
Д) Тәрбие – көпжақты процесс;
Е) Тәрбие – үздіксіз процесс;
Ж)Тәрбие – кешенді процесс;
З) Тәрбиенің – екіжақты сипаты.
Достарыңызбен бөлісу: | 
