-тарау. «Еңбекке баулу» оқу пәнінің мазмұнын ұйымдастыру

2-тарау. «Еңбекке баулу» оқу пәнінің мазмұнын ұйымдастыру

5. 
   Пән бойынша оқу жүктемесінің көлемі:
   

1-сыныпта аптасына 1 сағат, оқу жылында 35 сағатты құрайды.

Оқу бағдарламасының мазмұны материалдарды 5 ортақ білім беру бағыттары арқылы оқып-үйренуді қарастырады: «Табиғи материалдармен жұмыс», «Қағаз және қатырма қағазбен жұмыс», «Техникалық үлгілеу және құрастыру» ,«Өзіне-өзі қызмет ету»

6. 
   Әртүрлі жұмыстарды орындау барысында еңбек гигиенасының және қауіпсіздік техникасының ережелері сақталады.
   
7. 
   Оқу пәнінің мазмұны 3 бөлімнен тұрады:
   

1. 
   «Шығармашылық идеяларды білу және тану» бөлімі: қоршаған әлемді, әртүрлі материалдарды зерттеу арқылы зерттеушілік дағдыларын және шығармашылық елестету қабілеттерін дамыту, қазақ халқының және басқа халықтардың дәстүрі мен мәдениетін зерделеу, өзінің шығармашылық идеяларын әзірлеу;
   
2. 
   «Шығармашылық жұмысты жасау және дайындау» бөлімі: ұжымдық, топтық және жеке жұмыстарды орындау процесінде сенсорика, қолдың моторикасын, қиялдауы мен шығармашылығын, практикалық дағдыларын дамыту, әртүрлі материалдармен эксперимент жүргізу, әртүрлі жұмыс техникаларын меңгеру, өзінің іс-әрекетін жоспарлау;
   
3. 
   «Талдау және бағалау» (презентация) бөлімі: презентация арқылы коммуникативтік және сөйлеу дағдыларын дамыту, соның аясында өзінің және басқалардың жұмысын бағалау, презентациялау және түсіндіру.
   

8. 
   «Еңбекке баулу » оқу пәнінің 1-сыныпқа арналған базалық мазмұны:
   

1. 
   шығармашылық идеяларды зерттеу және дамыту: қоршаған ортаны білу және түсіну, қазақ халқының қолданбалы өнері, ою-өрнектер, шығармашылық идеяларды дамыту, табиғат аясына саяхат, табиғи материалдарды жинау, адам өміріндегі қағаздың маңызы, түрлерін, қасиеттерін зерттеу.
   
2. 
   шығармашылық жұмысты жасау және дайындау: шығармашылық жұмысқа арналған табиғи және жасанды материалдар, дәстүрлі емес материалдармен (көркемдік, табиғи және жасанды) , әртүрлі материалдармен (кепкен өсімдіктерден аппликация, жапырақ пен гүлдерден композиция құрастыру, тұқымдар мен дәндерден мозайка жасау) және техникалармен эксперимент жүргізу, әртүрлі жұмыс техникаларын меңгеру, өзінің іс-әрекетін жоспарлау; дайындау технологиясы, өлшеу құралдарымен жұмыс, қарапайым тәсілдермен материалдар мен компоненттерді біріктіру, көлемді пішіндерді жасау, құрастыру, қағаз пластикасы, қазақ ұлттық мәдениетінің элементтері бар шығармашылық жұмыстар, қауіпсіздік техникасын сақтау, қауіпсіздік техникасының ережелері;
   
3. 
   презентация, талдау және бағалау: презентация, шығармашылық жұмыстардың презентациясы, шығармашылық жұмыстарды талқылау және бағалау.
   

9. 
   «Еңбекке баулу» пәні бойынша 1-сыныпты бітірген оқушыдан күтілетін нәтиже:
   

• 
  еңбек қауiпсiздiгi ережесi және жеке бас гигиенасын сақтайды;
  
• 
  қағазды өңдеуге қолданылатын қарапайым құрал-саймандардың аты және қолданылуын біледі;
  
• 
  қағаздың, кептiрiлген жапырақтың, бұтақтардың өзiндiк қасиеттерін атайды;
  
• 
  қарапайым 2–3 бөлшектен тұратын бұйымдарды жасауды біледі;
  
• 
  жұмыс орнын ретке келтiру және тазалық сақтау ережелерін орындайды;
  
• 
  материал мен құрал-сайманды ұқыпты пайдаланады;
  
• 
  табиғи материал, қағазды өңдеуде құрал-саймандарды орнымен пайдалануды біледі;
  

• 
  бүктеу және желiмдеу арқылы құрамақ бөлшектерiн бiрiктіре алады;
  

9. 
   Бағдарлама мазмұны әртүрлі көркемдік-шығармашылық әрекетті қарастырады. Сабақ барысында іске асырылатын шығармашылық әрекеттің түрлерін еңбекке баулу мұғалімінің өзі анықтайды. Бұл ретте көркемдік- шығармашылық әрекеттің негізгі үш түрі: құрылымдау, жоспарлау және сәндеу әрекеттері міндетті түрде іске асырылады.