Қазақстан Республикасының Оқу-ағарту министрлігі
Сынып сағаттары аясында педагог-психологтардың білім алушылармен жұмысын ұйымдастыру
жүктеу/скачать 385 Kb.
|
ӘНХ каз 23 08 2023 11.57
- Бұл бет үшін навигация:
- 2.9 ҮЛГЕРІМІ ТӨМЕН БІЛІМ АЛУШЫЛАРМЕН ЖҰМЫС
- Мектеп әкімшілігі, әдіскерлер
Сынып сағаттары аясында педагог-психологтардың білім алушылармен жұмысын ұйымдастыруПсихолог-мамандардың қызметін білім беру ұйымы басшысының (директорының) орынбасары үйлестіреді. Оқу жылына арналған тәрбие жұмысын жоспарлауда педагог- психологтардың әрбір сынып жиынтығымен жұмыс жүргізуі үшін сынып сағаттарын (жылына кемінде 4 сағат көлемінде) бөлу ұсынылады. Педагог-психологтардың білім алушылармен өзара іс-әрекеті сынып жетекшілерінің (кураторларының) көмегімен жүзеге асырылады. Бiлiм беру ұйымдарында бiлiм алушыларды психологиялық- педагогикалық сүйемелдеу үшiн сынып сағаттарын өткiзу тәртiбiн реттейтін «Сынып сағаты туралы ережені» әзiрлеу және бекiту ұсынылады. Сынып сағаттарын жоспарлау барысында мектептің сынып жиынтықтарының (топтарының) санын, білім алушылардың жас, әлеуметтік және психологиялық ерекшеліктерін ескеру қажет. 2.9 ҮЛГЕРІМІ ТӨМЕН БІЛІМ АЛУШЫЛАРМЕН ЖҰМЫС2023-2024 оқу жылында орта білім беру ұйымдарында білім сапасын арттыру, оның ішінде үлгерімі төмен білім алушылармен жұмысты жалғастыру қажет. Ол аксиологиялық, тұлғаға бағытталған, сараланған, іс-әрекет, жүйелік тұрғылар, оқытудың дидактикалық ұстанымдар негізінде ұйымдастырылуы қажет. Үлгерімі төмен білім алушылармен жұмысты жоспарлау әкімшіліктің, әдіскерлердің, психологиялық-педагогикалық сүйемелдеу қызметінің, сынып жетекшісінің, педагогтер мен ата-аналардың іс-әрекетін қамтуы тиіс. Мектеп әкімшілігі, әдіскерлерОқу жылы ішінде педагогикалық үдерісті ұйымдастыру үшін (салауатты психологиялық ахуал, табысқа жету жағдайларын жасау, біліктілікті уақытылы арттыру, материалдық-техникалық ресурстармен қамтамасыз ету, сабақ кестесін құру және т.б.), сондай-ақ орта білім беру ұйымдарының түріне қарамастан, білім алушылардың сабақтан тыс уақытта демалуы мен дамуы үшін қолайлы жағдайлар жасау маңызды. Бұл мәселені шешуде бірінші басшының әрбір білім алушымен оның үлгерім деңгейіне қарамастан құндылық тұрғысынан қарым- қатынас жасауын қамтитын принципті ұстанымы маңызды. Барлық білім алушы үшін бірдей оқыту мен тәрбиелеу әдістерін, түрлерін, құралдарын қолдануға болмайды, сараланған әдіс-тәсілдерді қолдану маңызды. Орта білім беру ұйымдарында білім алушылардың білім сапасына үнемі мониторинг жүргізу, қорытындыларын тұжырымдай отырып, барлық оқу пәндері бойынша білімдегі олқылықтарды анықтау, алдын алу, түзету іс- шараларының жоспарлары мен бағдарламаларын әзірлеу қажет. Мектепішілік іс- шараларды (педагогикалық кеңес, жиналыс, мәжіліс) өткізу кезінде педагогикалық ұжымды ағымдағы жағдаймен таныстырып қана қоймай, үлгерімі төмен білім алушылармен жұмыс жасау, білім сапасын арттыру, шешімдердің орындалуын бақылауды жүзеге асыру бойынша тиімді шараларды ұсыну маңызды. Педагогтерге әдістемелік көмек көрсету тұрақты негізде жүзеге асырылуы тиіс. Анықталған себептерге (физиологиялық, психологиялық, әдістемелік, әлеуметтік және т.б.) сүйене отырып, үлгерімі төмен білім алушылармен жұмысты жоспарлау қажет. жүктеу/скачать 385 Kb. Достарыңызбен бөлісу:
|