Қазақстан Республикасының Оқу-ағарту министрлігі
жүктеу/скачать 1,59 Mb.
|
2022-2023 оқу жылының ӘНХ
| Оқу пәнінің мазмұны бойынша Үлгілік оқу бағдарламаларына енгізілген өзгерістер мен толықтырулар
2022/2023 оқу жылында «Қазақстан тарихы» оқу пәні бойынша оқу процесі «Жалпы білім беру ұйымдарына арналған жалпы білім беретін пәндердің, таңдау курстарының және факультативтердің үлгілік оқу бағдарламаларын бекіту туралы» ҚР Білім және ғылым министрінің 2013 жылғы 3 сәуірдегі № 115 бұйрығына 2019 ж. 26 шілдедегі № 334, 2019 ж. 7 наурыздағы № 105 және 2020 жылғы 27 қарашадағы № 496 бұйрықтарымен енгізілген өзгерістер мен толықтыруларға (жаңартылған мазмұндағы және оқу жүктемесі төмендетілген үлгілік оқу бағдарламалары) сәйкес жүзеге асырылады. 2022/2023 оқу жылында «Қазақстан тарихы» оқу пәні бойынша оқу процесін ұйымдастыруда келесі оқу бағдарламалары қолданылады: Қазақстан Республикасы Білім және ғылым министрінің 2019 жылғы «26» шілдедегі № 334 бұйрығымен бекітілген Негізгі орта білім беру деңгейінің 5-9-сыныптарына арналған «Қазақстан тарихы» пәнінен жаңартылған мазмұндағы үлгілік оқу бағдарламасы, Қазақстан Республикасы Білім және ғылым министрінің 2020 жылғы «27»қарашадағы № 496 бұйрығымен бекілген Негізгі орта білім беру деңгейінің 7-9-сыныптарына арналған «Қазақстан тарихы» пәнінен оқу жүктемесі төмендетілген үлгілік оқу бағдарламасы; Жалпы орта білім беру деңгейінің 10-11-сыныптары бойынша: Қазақстан Республикасы Білім және ғылым министрінің 2019 жылғы «7» наурыздағы № 105 бұйрығымен бекітілген Жалпы орта білім беру деңгейінің 10-11-сыныптарға арналған «Қазақстан тарихы» пәнінен жаңартылған мазмұндағы үлгілік оқу бағдарламасы (жаратылыстану-математикалық бағыт, қоғамдық-гуманитарлық бағыт) https://adilet.zan.kz/kaz/docs/V1900018382); Қазақстан Республикасы Білім және ғылым министрінің 2020 жылғы «27»қарашадағы № 496 бұйрығымен бекілген Жалпы орта білім беру деңгейінің жаратылыстану-математикалық бағыттағы 10-11-сыныптарына арналған «Қазақстан тарихы» пәнінен оқу жүктемесі төмендетілген үлгілік оқу бағдарламасы қолданылады. Негізгі орта білім беру деңгейінде тарихты оқыту: білім алушыларда тарихи сананы, қазақстандық патриотизм, өз елінің тарихы мен мәдениетіне құрмет, өз ата-бабаларының жетістіктеріне деген мақтаныш сезімін қалыптастыру, ұлттық құндылықтарды дарыту, зерттеушілік, ойлау, коммуникативті дағдыларды дамытуға; білім алушылардың ұлттық және әлемдік мәдениет жетістіктерін, қазақ халқының мәдени және тарихи мұрасының құндылығы мен ерекшелігін түсіну, қазіргі кездегі саяси, әлеуметтік-экономикалық және мәдени процестерде бағдарлану үшін тарихи білімдерін қолдана білу дағдыларын қалыптастыруға бағытталған. 5-9-сыныптарда «Қазақстан тарихы» оқу пәніне бөлінген 2 сағат оқу жүктемесі сақталған (18.1-кесте) және осы сыныптарда «Қазақстан тарихы» Үлгілік оқу бағдарламасымен жүзеге асырылады. Үлгілік оқу жоспары (төмендетілген оқу жүктемесімен) бойынша 7-9-сыныптарда «Қазақстан тарихы» оқу пәніне 1 сағат бөлінген (18.1-кесте) және осы сыныптарда «Қазақстан тарихы» оқу жүктемесі төмендетілген үлгілік оқу бағдарламасымен оқытылады. Үлгілік оқу жоспары (төмендетілген оқу жүктемесімен) бойынша «Қазақстан тарихы» оқу пәнінен 7-9-сыныптарға арналған Үлгілік оқу бағдарламасында (негізгі үлгілік оқу бағдарламасындағы) қарастырылатын бөлімдер толығымен қалдырылған, айырмашылық тақырыптар мен оқыту мақсаттарына өзгерістер енгізілген. Мысалы, 7-сыныпта XVIII ғасырдағы халық ауыз әдебиеті және материалдық мәдениет тақырыптары; 9-сыныпта Тәуелсіздік жылдарындағы білім, ғылым және мәдениеттің дамуы тақырыптары біріктірілді. Сонымен қатар, бөлімдер мен бөлімшелердің атаулары нақтыланып, кейбір оқыту мақсаттарының реті өзгертілді. жүктеу/скачать 1,59 Mb. Достарыңызбен бөлісу:
|