Ќазаќстан республикасыныњ
жүктеу/скачать 1,95 Mb.
|
Ќазаќстан республикасынын касипкерлик (3)
| Кәсіпкерліктің эволюциялық қағидаларына мыналар жатады:
бизнестің қарапайым нысандарынан күрделі нысандарына қарай сатылы даму қағидасы; нарыққа бағытталған экономикадағы бизнестің тарихи ерекшелік қағидасы; капиталдың бастапқы қорлану қағидасы. Кәсіпкерліктің жүйелік қағидаларына мыналар жатады: кәсіпкерлік бизнестің жүйелілік қағидасы ; интегративті (жүйелік) қағидалары негізінде бизнесті тұрақты дамыту қағидасы; бизнестегі орталыққа жинақтау және орталыққа ұмтылу қағидасы; бизнестің ұлттық модельдерінің алуан түрлілік қағидасы; мемлекеттік шекараларды білмейтін, әлемдік жүйе ретіндегі бизнесті қалыптастыру қағидасы. «Кәсіпкерлік бизнес жүйесі» түсінігі маңызды ғылыми категориялардың бірі болып табылады. Жүйе деп бірегей дамушы,өзара байланысқан элементтердің жиынтығын айтады. Барлық жүйелер біртұтас және тұрақты, ол жүйелердің тұрақты даму шарты болып табылады. Қазіргі кәсіпкерліктің жүйелі белгілері болып мыналар табылады: кәсіби құзіреттілік – фирмаларды, сонымен қатар ұжымдық фирмалардағы акциялар мен үлестерді құру, сату, сатып алу, фирма ісін жүргізу, бизнестің қауіпсіздігін қамтамасыз ету, бәсекелік іс-әрекеттерге басшылық ету, әріптестер, клиенттер, контрагенттер, қызметкерлер, қоғам алдындағы міндеттемелерді орындау, оның ішінде салық төлеу аясындағы кәсіби білім, қабілеттер; тұрақтылық, ол кәсіпкерлердің бәсекеқабілеттілігі мен қоғамдық танылуы негізінде бизнесті тұрақты, ұдайы дамытып отыру арқасында қамтамасыз етіледі; динамизм, ол бизнестің барлық субъектілерінің мүдделері мен заңды құқықтарын ескере отырып бәсекелік артықшылықтарды үнемі арттыру қажеттілігі, кәсіпкерлердің ынтасы арқасында қамтамасыз етіледі; бүтіндік, бизнестің барлық субъектілерінің өзара тығыз байланыстылығы арқасында қамтамасыз етіледі; әлеуметтік сипат, ол қазіргі кәсіпкерлік бизнестің, адамдар арасындағы қатынастардың барлығын қамтитындығымен және қоғамдағы мүдделер келіспеушілігін жеңуге бағытталғандығымен анықталады; өзін-өзі реттеуші сипат, ол дамудың ішкі ресурстарына, міндеттемелерді адал орындауға, заңды, қоғамда қабылданған іскерлік айналым дәстүрлері мен этикалық нормаларды ұстануға, ескілерді жеңуге негізделген. КӘСІПКЕРЛІКТІҢ ҚАЛЫПТАСУ МЕН ДАМУ ШАРТТАРЫ Кәсіпкерлер кәсіпкерлік жобалар мен келісімшарттарды жүзеге асыруға, сонымен қатар пайда (табыс) алуға, қойылған мақсаттарды жүзеге асыруға және табысқа қол жеткізуге мүмкіндік беретін, алуан түрлі (объективті және субъективті) факторлардың үйлестірілген жиынтығын құрайтын, белгілі бір жағдайларда қызмет етеді. Үйлестірілген күрделі жүйе ретінде кәсіпкерлік орта кәсіпкерлерге тікелей байланысты болмайтын сыртқы және кәсіпкерлердің тікелей қалыптасуымен қалыптасатын ішкі ортаға бөлінеді. Кәсіпкерлік орта өндіруші күштерді дамыту, өндірістік (экономикалық) қатынастарды жетілдіру, қолайлы қоғамдық және мемлекеттік менталитетті құру, кәсіпкерлердің өмір сүру (қызмет ету) ортасы ретінде нарықтың қалыптасуы және тағы да басқа маңызды жағдайлар негізінде қалыптасады. Тиімді кәсіпкерлік орта кәсіпкерліктің дамуының алғашқы және анықтаушы шарты ретінде қажетті экономикалық еркіндікті, ал екінші шарты ретінде ұйымдастырушылық-шаруашылық тұрғысынан жаңашылықты қамтамасыз етуі керек. Қандай да бір дәрежеде кәсіпкерлік ортаның бұл екі маңызды элементі ел Конституциясында бекітілген. Атап айтқанда, онда әркімнің кәсіпкерлік қызмет үшін өз мүліктері мен қабілеттерін еркін қолдануға құқығы бар екендігі. Сот шешімінен басқа жағдайда ешкімнің өз мүлкінен (кәсіпкерлік қызметтің материалды негізі ретінде) айрыла алмайтындығы, жер және басқа да табиғи ресурстарды иемдену, пайдалану мен жұмсау олардың иелерімен еркін түрде жүзеге асырылатындығы, Қазақстанда бірегей экономикалық кеңістік, тауарлардың, қызметтер мен қаржы қаражаттарының еркін айналымы, бәскені қолдау, экономикалық қызметтің еркіндігі кепілдендіретіні, және ақырында жеке, мемлекеттік және басқа да нысандағы меншік нысандары танылып қорғалатындығы көрсетілген. Кәсіпкерлік құрылым мен сыртқы ортаның өзара әрекеттесуі 1-суретте көрсетілген. жүктеу/скачать 1,95 Mb. Достарыңызбен бөлісу:
|