Қазіргі білім берудің даму тенденциялары
39
ұйымдастырудың алдын-ала модельденген схемасын ұсынатындықтан тиімді
емес. Себебі, әр мұғалім алдын ала дайын модельденген схемаға келісе
бермейді. Әр мұғалімнің өзіндік шығармашылық ерекшеліктері болуы мүмкін.
Бүгінгі таңда ең тиімді жол – бұл мұғалімге ақпараттық материалдар
жиынтығынан (презентациялар, анимациялар, схемалар, суреттер, мәтіндік
материалдар және т.б.) өз сабағын жобалауға, студенттердің өнімді қызметін
және олардың оқу процесінде өзара әрекеттесуін ұйымдастыруға мүмкіндік
беретін жол.
Электрондық оқу-әдістемелік кешен (ЭОӘК) –
оқу процесінің
дидактикалық циклінің үздіксіздігі мен толықтығын қамтамасыз ететін және
интерактивтілік, ақпараттық ашықтық, қашықтық және білімді бағалау
рәсімдерінің формалдылығы қағидаттарына құрылған ұйымдастырушылық
және жүйелендірілген теориялық, практикалық, бақылаушы материалдарды
қамтитын оқу мақсатындағы бағдарламалық мультимедиа өнімі [1].
Электрондық оқу-әдістемелік кешеннің артықшылығы сабақтар мен
практикалық сабақтардың әзірлемелерін,
рефераттар тақырыптарын, сондай-ақ
оқушыларға оқу пәндерін меңгеру бойынша әдістемелік ұсынымдарды,
ұсынылатын әдебиеттер тізімін қамтитын топтастырылған материалдың болуы
болып табылады [2].
Қазіргі таңда электронды оқу әдістемелік кешкен дайындайтын орталар
жетерлік. Солардың ішінде ең тиімді ортаның бірі ол Google қосымшалары.
Google ортасы мұғалімдер мен білім алушылардың бірлескен қызметіне
қол жеткізе отырып, білім беру кеңістігін құра алатын орта. Google
технологиясының мәні білім алушыларды білім беру контентін тұтынушылар
ретінде ғана емес, сонымен қатар оның белсенді
жасаушылары ретінде де
жұмыс жасауына мүмкіндік береді. Бұл ортада білім алушыны педагогикалық
үдерістің орталығында болуына ықпал етеді. Google ортасы жеке немесе
топтық қарым-қатынас құруға ыңғайлы.
Google корпорациясы интернет арқылы қосылуға болатын көптеген
бағдарламалар мен қызметтерді әзірлеп және ұсынып жатыр. Мысалыға білім
беру қоғамдастығында ең көп қолданылатын Google қызметтері: Google
Calendar-онлайн күнтізбе, Google Docs – онлайн кеңсе, Gmail – тегін
электрондық пошта, Google Maps – карталар жиынтығы, Google Sites – вики
технологиясын қолданатын тегін хостинг,
Google Translate-аудармашы,
YouTube – видео хостинг. Келесі электрондық оқу-әдістемелік кешеніне
«Padlet» (сурет 1) онлайн тақтасын жатқызуға болады.
Padlet – бұл әр оқушыға өз жұмысын тақтаға шығаруға, ал мұғалімге-оған
көп уақыт жұмсамай және ауыр дәптерлерді жинамай-ақ, әр мұғалімге
түсініктеме беруге және бағалауға мүмкіндік беретін қызмет.
Қазіргі білім берудің даму тенденциялары
41
Жұмысты бастау үшін оқытушы Google
немесе Facebook-те тіркелу
немесе бар аккаунттарды пайдалану қажет (сурет 2). Тіркелуден өткеннен кейін
біз жаңа бет, яғни падлет құрамыз «Қабырға жасау / Make a padlet» батырмасын
басқан кезде қызметтің негізгі жұмыс өрісі ашылады (сурет 3).
Қызмет материалды қабырға, үздіксіз ағын (мазмұн қарапайым таспада
жоғарыдан төменге қарай орналасқан), тор, сөре (үш бағанға бөлу), блог,
сонымен қатар кенеп түрінде (сурет 4) – дәйекті және еркін тарату режимінде
орналастыруға мүмкіндік береді.
Сурет 4. Қабырға түрлері.
Хабарламалар қабырғаның кез келген жерінде екі рет шерту арқылы
қосылады. Қолданушының алдында екі белсенді өрісі мен материалдарды
жүктеуге арналған түймелері бар шағын терезе пайда болады (сурет 5).
Сурет 5. «Padlet» қабырғасы.
Жасалған қабырғаға қол жеткізуді бірнеше жолмен ұйымдастыруға
болады:
– жеке – тек виртуалды қабырға авторына және e-mail арқылы
шақырылған адамдарға материалдармен жұмыс істеуге мүмкіндік береді;
– қорғалған – кіру паролін білетіндерге мазмұнға кіру ашық;
Development trends of modern education
42
– жасырын сілтеме-кіру сілтемесі бар кез келген пайдаланушы
материалдармен жұмыс істей алады;
– барлығына қол жетімділік – кез келген
адам мазмұнға қол жеткізе
алады. Деректер іздеу қызметтеріне қол жетімді болады және іздеу
нәтижелерінде көрсетілуі мүмкін.
Қызмет сонымен қатар пайдаланушыларды шартты санаттар бойынша
бөлуге мүмкіндік береді: әкімші, модератор және пайдаланушы. Бірінші
жағдайда, мазмұнға ғана емес, сонымен қатар қабырғаның барлық
параметрлеріне шексіз қол жетімділік беріледі.
Модераторлар материалдармен жұмыс істеумен шектеледі: хабарламалар
қосу, редакциялау, ұйымдастыру және құрылымдау. Тұтынушы тек жүктелген
деректерді көре алады және ешқандай өзгеріс жасай алмайды.
Достарыңызбен бөлісу: