Б а л а ш т ү с І п қ а л и е в дерматовенерология ОҚулық
жүктеу/скачать 7,25 Mb. Pdf көрінісі
|
Дерматовенерология
|
Т ЕРІНІҢ СҮЙЕЛДІ ТУБЕРКУЛЕЗІ . Тері туберкулезінің өте сирек кездесетін түрі бұрыннан инфицирленген адамдарда терідегі экзогенді ошақтардан суперинфекция нәтижесінде дамиды. Кейбір науқастарда ашық өкпе тубекркулездерінде, ішек жолдары және басқаларда сүйелді туберкулез аутоинокуляциясы нәтижесінде дамиды. Аурумен ересектер, соның ішінде ер адамдар, жиі ауырады. Туберкулезді материалды адамдар және жануарлармен қатынаста болған (ветеринарлар, паталоганатомдар, қасапшылар және т.б.) немесе туберкулездің белсенді түрімен ауыратын науқастармен (күтім жасайтын медицина қызметкерлері) қатынаста болған адамдар ауырады. Бұл жағдайда ауру суперинфекция нәтижесінде пайда болады. Зақымдану қол басы және саусақтар сыртында, сиректеу аяқтарда орналасады және диаметрі 1 см көкшіл-қызыл түсті төмпешіктің (мәйіттің төмпешігі) пайда болуынан басталады. Өсіп жетіліп, тегіс тығыз табақшаға айналып, беткейінде сүйелді өсінділер пайда болып, массивті мүйізді қатпарлар пайда болады. Одан әрі жайылып өсіп, кейін бетінде сүйелді өсінділер мен массивті мүйізгек қатпарлар болатын, тегіс тығыз қабыршаққа айналады. Сүйелді тері туберкулезінің жетілген жағдайында 3 аймақты ажыратуға болады: шеткі (күлгін-қызыл жиекті), ортасындағы (сүйелді тығыз бұдырлар, жарықтар, қабықтар), орталық (терінің атрофияланған, тегіс емес кедір-бұдырлы түбі бар аймағы). Жазылғанда, ошақтардан кейін тыртықтар қалады. Процесске көбіне аймақтық лимфа тамырлары мен түйіндері қамтылады. Сүйелді өсінділерді бүйірінен басқанда, жарықтардан эпидермисасты микроіріңдіктерден ірің тамшылары шығады. Негізгі ошақтың шеттерінен жаңа түйіндер мен қатпарлар пайда болып, біртіндеп бір-бірімен қосылады. Процесс аяқталғаннан кейін зақымдалған ошақтар орнында тыртықты атрофия қалады; бұл аймақтардың жегіден айырмашылығы жаңа элементтер пайда болмайды. Науқастың жалпы жағдайы әдетте, қанағаттанарлық. Туберкулин реакциялары 80-96,5% науқастарда оң мәнді болып келеді. Балаларда сүйелді туберкулез жарақат орнында болған аутоинокуляция нәтижесінде пайда болады. Мұндай жағдайда жалпы жағдайының бұзылып, лимфаангаиттер және лимфадениттердің пайда болуы байқалуы мүмкін. Регресс кезеңінде ошақтар тыртықталып, негізгі ошақтар шеткі жиегінде жаңа төмпешіктер пайда болуы мүмкін. Ошақтардың орнында атрофияланған тыртықтар қалады. Емі. Тері туберкулезінің арнайы емінен басқа өткір қасықпен қырып тастауды, диатермокоагуляцияны, рентгенрадиотерапияны қолданады. жүктеу/скачать 7,25 Mb. Достарыңызбен бөлісу:
|