Қойылған мақсаттарға жету, Бағдарлама міндеттерін шешу жолдары және тиісті шаралар

Облыс үшін кемелік машина жасауды дамыту перспективалы болып табылады. Аталған мақсаттың жетістігі ішкі нарықтың мүмкіндіктерін тиімді пайдаланудан, технологиялық жаңғыртуды ынталандырудан және жаңа өндірістерді құрумен көрінеді.

ИИДМБ аясында «САГА Аташ» ЖШС-нің жобалық қуаттылығы жылына 96 кемені жөндеу және жаңғырту болатын «Кемелер мен басқа да жүзбелі құралдарды жасау мен жөндеу және су көлігінің өзге де қосымша қызметі» жобасы іске асырылуда.

Құрылыс-жинақтау жұмыстары басталды. Кәсіпорын ангар қондырғысын дайындауға украиналық «Herson» компаниясына тапсырыс берді. Келес жылдың соңында пайдалануға беру жоспарлануда.

Сондай-ақ, «Өздігінен көтеретін жүзбелі бұрғылау қондырғысының құрылысы» (ӨЖБҚ) жобасын аяқтау жоспарлануда. «Caspian Offshore & Marine Company» ЖШС мен «Ерсай Каспиан Контрактор» ЖШС-нің консорциумы.

Қазіргі сәтте «Caspian Offshore & Marine Company» компаниясы мұнаралық бұрғылау қондырғысын жинау бойынша жұмыстарды аяқтап, «Ерсай Каспиан Контрактор» комапниясының жүзбелі докын салу бойынша жұмыстар жалғасуда.

Мақсаты: қосылған құны жоғары дайын металл бұйымдарын өндіру.

Металлургия өнімінің жалпы көлемін арттырудағы міндеттерді шешу, теңізде мұнай өндіру инфрақұрылымын қалыптастыруды қамтамасыз ету және Каспий теңізінің қазақстандық секторының жағалау жолағын дамыту үшін теңіз металл конструкцияларын өндіруді дамыту болып табылады.

Осы міндетті шешуге арналған негізгі іс-шаралар:

«ҚазМұнайГаз» АҚ-ның «Қарақия ауданындағы кеме жөндеу және кеме жасау зауытының құрылысы» жобасын іске асыру. Жоба опертаоры: «ТеңізСервис» ЖШС, «ENI SPA» (Италия), пайдалануға беру мерзімі – 2018 жыл;

«ҚазМұнайГаз» АҚ-ның «Құрық ауылындағы паром кешенінің құрылысы» жобасын іске асыру. Жоба опертаоры: «ТеңізСервис» ЖШС, «Казтеңізтрансфлот» АҚ, 2017 жылы пайдалануға беру жоспарланған;

«Электрмен болат балқыту кешенінің құрылысы» жобасын іске асыру («АҚЗ» ЖШС), жобалық қуаттылығы – жылына 600 мың тонна дайындама, пайдалануға беру мерзімі – 201-6-2017 жылдар.
2.7. Жеңіл өнеркәсіп

Мақсаты: Өңірдің өңдеуші өнеркәсібіндегі жеңіл өнеркәсіптің үлесін арттыру.

Маңғыстау облысының жеңіл өнеркәсібінде тігін өнімдерін шығарумен және аяқкиім шығарумен айналысатын «Жамал-ай» АҚ және бұйымдар тігуге ғана бағдарланған «Жанарыс» ЖШС бар.

Осы саланың кәсіпорындарын қолдау шығарылатын өнімді сатып алуға облыстың жүйе құраушы ірі кәсіпорындарын, жер қойнауын пайдаланушыларды және мемлекеттік мекемелерді тарту арқылы жүзеге асырылмақ.
3. Агроөнеркәсіптік кешен

Мақсаты: Ауыл шаруашылығы өнімдерін ішкі рыног тұтынушыларын қанағаттандыруға жеткілікті көлемде өндіру негізінде облыстың азық-түлік қауіпсіздігін қамтамасыз ету.