Сапалық дерек презентациясының мысалы Бұл – ашумен немесе зерттеп-білгеннен емес, күмәнданып, көңілі қалған соң
діннен шыққан адамдардың мысалы. Зерттеу барысында бұл респонденттерге «дін-
нен шыққан (сенімнен бас тартқан) эгоистер» деген айдар тағылды. Олар зерттеуіме
қатысқан, діннен шыққан үш топтың біреуі ғана.
Діннен шыққан эгоист
Ортақ жол
Діннен шыққан эгоист дінді әлеммен де, өзімен де үйлестіре алмайды. Шығу про-
цесі Құдайдан, діннен, тіпті кейде өзінен түңілтетін интроспекция. Ол өзін-өзі тексе-
ріп, үмітсіздікке жетелейді. Діннен шығу – шатасу мен безінудің қарқынды интеллек-
туалдық көрінісі. Мына әңгіме діннен шыққан эгоистің жан дүниесін ашады.
Шын мәнінде, ауыр кезеңде жүрмін. Осының бәрі сегіз жасымда басталды.
Ата-анам бір-бірімен көп ұрысты... Құдай оларға көмектескісі келмеген сияқты.
Өмірім қиындай берді... Депрессияға түстім, сарыуайымға салындым, осындай
ауыр ой иектеп, Құдайға деген күмәнім ұлғая берді. Өзіңе деген сенім жоғал-
ғанда өзгеге қалай сенесің? Құдайдан сұрағым келді, бірақ ол мені естімеді.
Құдайдың жанымда жоғын жиі сездім... Бұл «Жалпы ол бар ма еді?» деген сұрақ-
қа жетеледі. Осы сұрақ маза бермеді. Ол бар ма еді? Әлде қамқорлық көрсеткісі
келмеді ме екен? (№ 13-сұхбат).
Бұл эгоистік сөзден Құдай мен діннен түңілу айқын байқалады. «Құдай көмектес-
кісі келмеген сияқты, ол маған қамқорлық көрсеткісі келмеді» деген әңгіме отбасыға
