II А2 ДЕҢГЕЙІНДЕ БІЛІМ БЕРУ БАҒДАРЛАМАСЫНЫҢ МАЗМҰНЫ

1. 
   
   Сөйлеу интенциялары
   

Базалық деңгейде білім алушы сөйлеу актісіне қатысып, ақпарат алмасуға ұмтылады, бағалау-эмоциялық және коммуникативтік-ақпараттық, ақпараттық сипаттамалық ниеттеріне қатысты жағдаяттар мен тақырыптар көлемінде коммуникативтік құзыреттіліктері қалыптасады. Осы мақсат үшін базалық деңгейге арналған лексикалық, грамматикалық тілдік бірліктерді (қарапайым деңгейдің материалдарын қоса есептегенде) пайдаланады.

• коммуникацияға қатысу (үйде, көшеде, оқу орнында, қоғамдық орындарда);

  
  

• танысу түрлері (ресми және бейресми жағдайда өзін және басқа адамды таныстыру);

  
  

• сәлемдесу және қоштасу түрлері (сұхбаттасушының жас ерекшелігі мен әлеуметтік орны және сөйлеу әдебіне сәйкеc);

  
  

• алғыс білдіру формалары (ресми және бейресми жағдаяттарда);

  
  

• кешірім сұрау түрлері;

  
  

• құттықтау түрлері (мерекелер, туған күн, халықтық салт-дәстүрлерге қатысты мерекелер).

  
  

Сұхбаттасушыға коммуникативтік ықпал жасауға бағытталған реттеуші ниеттер:

• әртүрлі жағдаяттардағы әрекеттерді жүзеге асыруға қозғау салу формалары (түрткі болу, өтініш беру, кеңес беру, ұсыныс айту, талап ету, бұйрық беру, рұқсат сұрау);

  
  

• келісу/келіспеу формалары;

  
  

• шақыру түрлері (бейресми, ресми).

  
  

Бағалау-эмоциялық ниеттер (іс-қимыл, оқиға, зат, адамдарға эмоциялық қатынастың және көзқарастың, бағалаудың берілуі):

• пікір білдіру, оны дәлелдеу, қатысым жағдаяты мен сөйлеу әдебіне сәйкес бағалау;

  
  

• іс-қимылдың, оқиғаның немесе заттың артықшылығын/кемшілігін көрсету, жағымды/жағымсыз әрекетке баға беру;

  
  

• оқылған, тыңдалған, көрген ақпаратқа қызығушылық таныту;

  
  

• болжам жасау, оны растау немесе жоққа шығару;

  
  

• эмоциялық күй-қалыпты жеткізу (қуану, таңқалу, ренжу, ниет білдіру, қарсылық білдіру).

  
  

Коммуникативтік-ақпараттық және ақпараттық сипаттамалық ниеттер:

• адам, зат, дерек, оқиға, іс-әрекет туралы нақты ақпарат беру және ақпаратты алу және бұл үшін қажетті білік-дағдылар (сұрақ-жауап алмасу, нақты зат, жағдаят, оқиға, кейіпкерді сипаттау; заттың бар/жоқ екендігін, санын, сапасын, кімге тиесілі екендігін анықтау; әрекеттің уақытын, орнын, себебін, мақсатын сұрау; қалауды, қажеттілікті жеткізу формалары);

  
  

• есту, оқу, көру арқылы алынған мәліметтерді сипаттай алу;

  
  

• түсінбеген мәліметті қайта сұрау арқылы нақтылау.

  
  

Білім алушының білуі тиіс сөйлеу әдебі:

• ресми және бейресми танысу, амандасу, қоштасу кезінде қолданылатын сөйлеу әдебі;

  
  

• өтініш айтқанда қолданылатын сөйлеу әдебі;

  
  

• кеңес беру кезінде қолданылатын сөйлеу әдебі;

  
  

• құттықтау кезінде қолданылатын сөйлеу әдебі;

  
  

• келісу, келіспеудегі сөйлеу әдебі;

  
  

• ұсыныс айту, пікір білдіру сөйлеу әдебі;

  
  

• таңдану, күдіктену, сенімсіздік білдіру кезінде қолданылатын сөйлеу әдебі формулалары.