Бағдарламаның «Драма» сабағы бойынша келесі мақсат, міндеттер қарастырылған: Мақсаты: балалардың өз ойын білдіру және шығармашылық белсенділігі мен бастамашылдығын дамыту және қолдау үшін қолайлы ахуал жасау.
Міндеттері: - көркем бейнені жасауда ойындық, ән және би туындыларын қолдана отырып шығармашылық дербестікті дамыту;
негізгі психикалық процестер мен сапаларды дамыту (қабылдау, есте сақтау, зейін, бақылағыштық, қиял, коммуникативтік, ырғақ сезімі, көпшілік алдында өз ойын айта білу, батылдық);
балаларды белсенді түрде сюжетті-рөлдік ойындарға тарту арқылы әлеуметтік мінез-құлық дағдыларының тәжірибесін қалыптастыру;
бірлескен театр қойылымдарына ата-аналарды қатысуға тарту.
«Драма» сабағының мазмұны оқу бөлімдері бойынша ұйымдастырылған. Оқу бөлімдері білім, түсінік немесе дағды сияқты күтілетін нәтижелер түріндегі оқу мақсаттары кіретін бөлімшелерден тұрады. Әрбір бөлімше ішінде реттілікпен құрылған оқу мақсаттары педагогке жұмысын жоспарлауға, балалардың жетістіктерін бағалауға және оларға оқудың келесі кезеңдері туралы ақпарат беруге мүмкіндік туғызады.
