МҰҒАЛІМДЕРДІ БАҒАЛАУ Бағдарламаның түйінді идеялары мен мазмұны мұғалімдердің тиісті сапалық деңгейге қол
жеткізуіне бағытталған. Ол сапалық деңгей Мұғалім өзін кәсіби тұрғыдан ой толғауға қабілетті,
өзінің оқыту және оқу тәжірибесін өзгертуге дайын маман ретінде таныту үшін қажет.
Кәсіби даму бағдарламасының өн бойында мұғалімдер Бағдарламаның өзара байланысты
тақырыптарымен танысады. Олар бұл тақырыптарды өз сабақтарының жоспарларына қосу
арқылы өзінің тәжірибелік қызметі тұрғысынан тақырыптарды түсінетіндігін көрсетулері
керек. Нәтижесінде мұғалімдер өз тәжірибесіне қандай өзгеріс енгізгені, ол өзгерісті қалай
енгізгені туралы рефлексиялық есеп жазады. Мұғалімнің Бағдарламаны табысты игерудің
төмендегі үш критерийіне сәйкестік деңгейін анықтауда олардың оқудың соңында жазатын
рефлексиялық есебі айрықша мәнге ие болады:
1. Бағдарламаның түйінді идеяларын білу және түсіну.
2. Өзінің оқыту және оқу тәжірибесінде Бағдарламаның түйінді идеяларын қолдану.
3. Оқыту мен оқудағы жаңа тәсілдерді енгізу туралы ойлану және одан әрі дамытуға
арналған тәсілдер мен идеяларды белгілеу.
