Бағдарламасы осы оқу пәніне арнап құрастырылған

Бастауыш саты – оқушының интелектісінің дамуының іргетасы оқу әрекеті қуатты жүретін кезеңі. Оқу әрекетінің мазмұны оқу тапсырмалары түрінде құрылады. Осы тапсырма түрлерін меңгерту оқушы ойын тәртіппен , оның белгілі бір бағытта жүйелі «арнамен жүруін» қамтамасыз етеді, жеке тұлғаның негізгі психикалық үрдістері қалыптасып, ырғақты, зейін, рефлексия, өзін-өзі бақылау , әрекет – амалдың ішкі жоспары сияқты жаңа түзілімдер пайда болады. Оқушы әр түрлі оқу тапсырмаларын өздігінен шешіп орындаудың ортақ тәсілдерін өз әрекетін бақылап бағалауды нәтижесін эталонмен салыстыруды меңгереді.

Оқу әрекетін қалыптастыру білім мазмұнының теориялық деңгейін көтеру ұстанымымен тығыз байланысты. Бұл білім мазмұнындағы ғылыми ұғымдарың үлесін арттыруды қажет етеді. Осыдан объектілер мен құбылыстардың тек сыртқы түрін белгілерін бақылап қана көріп тану тәсілін ғана емес оқушыны ынталандырып шығармашылық әрекетке жетектейтін ішкі байланыстарды өзара тәуелділік заңдылықтарды өздігінен ашып түсініп танитындай әдіс-тәсілдерді қолдануға мүмкіндік туады оқу әрекеті арқылы оқушы осындай тәсілдермен жұмыс істеу біліктерін меңгереді.

«Әдебиеттік оқу» пәнін оқытудың басты мақсаты- балалар әдебиетінің озық үлгідегі шығармаларын жүйелі оқыту, оқырмандық мәдениетке баулу, оқушының әдеби сауатын ашу, рухани дүниесін байыту, көркемдік – эстетикалық талғамын арттыру, ізгілікті – елжанды дара тұлға тәрбиелеу.

«Сөз маржаны» бағдарламасы осы оқу пәніне арнап құрастырылған.

Бағдарламаға халық ауыз әдебиеті үлгілері негізге алынды.

Кез – келген шығарманы оқып, мазмұнын түсінуде оқушының мәнерлеп оқуының мәні зор. Сондықтан бағдарламада оқу дауыс екпініне, берілген шығарманы мәнерлеп оқуға көңіл бөлінді. Себебі өлеңді, қара өлеңді, мәтінді, ертегіні, мысал-диалогты, мақал-мәтелді т.б. оқудың өзіндік ерекшеліктері бар. Әр шығарма өзіне тән қасиетке ие. Осы ерекшелігіне байланысты әрқайсысының мазмұнын ашу үшін сол шығармаға сәйкес мәнерлеп оқи білу қажет.

Мақсаты:

Оқушылардың ой-өрісін кеңейту, тіл байлығын арттыру, шешендікке баулу, оқу қарқынын реттейтін қарапайым тәсілдерді меңгерту, ойлау қабілетін дамыту, өз ойы мен пікірін еркін жеткізе алатын етіп тәрбиелеу, мән мағыналық кідірістерді айқындау, мәтін мазмұнын өз бетінше түсіну барысында ертегілер мен мысалдардың мәнін анық жеткізу, әңгімедегі кейіпкердің мінез-құлық ерекшеліктерін байқата оқыту.

- оқушылардың сөйлеу тілін қалыптастыру;

- өмірге көзқарасын ояту;

- жақсыға үйретіп, жаманнан жиренуге тәрбиелеу;

- ұлтымыздың ең асыл қасиеттері-үлкенді сыйлау, кішіге қамқор болу т.б.

- бойына сіңіру:

- әуезді-сазды ерекшеліктерді сақтап оқыту;

- сөз екпінін дұрыс қойып оқыту:

- Ой екпінін дұрыс қойып оқыту;

- кейіпкердің көңіл – күйін сезіне оқыту.

- Түртіп алу стратегиясын қолдану әдісі;

- Мағыналар ашу әдісі;

- Іштей оқу әдісі;

- Сұрақ-жауап әдісі;

- Рольмен мәнерлеп оқыту әдісі;

- Бөлімдерге ат қою әдісі;

- Бақылау сұрақтары арқылы шығармашылыққа үйрету әдісі;

- Сиқырлы объектілер әдісі;

- Қарама-қайшылықтарды шешу әдісі;

- Кейіпкерлердің ойын, пікірін жеткізе білу әдісі.

«Сөз маржаны» курсының бағдарламасы. 2 класс.

Бағдарлама – 68 сағат; аптасына 2 рет.

Өз елім менің – өзегім менің - 6 сағ.

1. 
   «Қазақстан – біздің Отанымыз» мәтінмен таныстыру, оқушыларға «Қазақстан» туралы түсінік беру.
   
2. 
   «Отан» өлеңін мәнерлеп оқу, Отан жайлы түсінік беру. Оқушылардың Отанға деген сүіспеншілігін арттыру.
   
3. 
   «Астана қаласы – жаңа астана» мәтінін оқу. Астана туралы түсінік беру.Астананың жетістіктерін түсіндіру. «Астана» біздің бас қаламыз.
   
4. 
   «Алматы қаласы» өлеңін мәнерлеп оқу. Алматы қаласы жайлы әңгімелеу.
   
5. 
   «Анамның тілі – аяулы үні» өлеңін жаттау. Ана тілін құрметтеуге тәрбиелеу.
   
6. 
   «Ту тіккен» әңгімесін түсініп, мәнерлеп оқу, мазмұнын түсіндіру.
   

7. 
   Ел аузынан. Билер туралы мағлұмат беру.
   
8. 
   Жиренше шешен. Сұратқан хан оқымақ па, сұраған сен ақымақ па?
   

9. 
   Алдаркөсе. Мәтінді түсініп оқу.
   
10. 
    Қожанасыр хикаялары. Мәтінді бөліктерге бөлу.
    
11. 
    Хан мен Қожанасыр. Әңгімені түсініп айту.
    
12. 
    Мықтылық пен ақылдылық (ел аузынан) Кейіпкерлерді салыстыра отырып, адамгершілікке тәрбиелеу.
    
13. 
    Мақал – мәтелдер. Мақал-мәтелдерді жаттау.
    

14. 
    Ананың сүюі. Ы.Алтынсарин
    
15. 
    Жақсылыққа – жақсылық. Д. Ахметов
    
16. 
    Кім ойлап тапқан? Қ. Жұмағалиев
    
17. 
    Сәлем беру. Ф. Оңғарсынова
    
18. 
    Әдептілік әліппесі. Ә.Асылбеков
    

19. 
    Еңбекпен тапқан тиын (грузин ертегісі) Ертегіні әңгімелеп беру, еңбексүйгіштікке тәрбиелеу.
    
20. 
    Қайта- қайта оқу (аңыз)
    
21. 
    Жалқау үкі (мысал ертегі) Ертегіні сахналау.
    
22. 
    Менің досым – робот. М.Шәжімова
    
23. 
    Менің оған нем кетті .М.Әлімбаев
    

24. 
    Ыбырай. Ж.Әбдірашев
    
25. 
    Өсиеті Абайдың.Ж.Әбдірашев
    
26. 
    Сыйлық. Р.Сарғожин
    
27. 
    Қасиетті ағаш. М.Етекбаев
    
28. 
    Құрманғазы. А. Жұбанов
    

29. 
    Табиғат – анамыз. Н.Жанаев
    
30. 
    Жаңаша жыл санау.Е.Өтетілеуов Қазақша жыл санауын білу.
    
31. 
    Төрт мезгіл (ертегі). Төрт мезгілді салыстыру, сурет бойынша әңгімелеу.
    

32. 
    Туысқан ел. Ж.Жабаев
    
33. 
    Ең асыл қазына.М.Мурадов
    
34. 
    Бір шелек алма.В. Сухомлинский
    

\

Аптасына 2 сағаттан. Барлығы 68 сағат.

1. 
   Бағдарлама. Әдебиеттік оқу. Алматы «Атамұра» 2013ж.
   
2. 
   Б.А. Тұрғынбаева . Дамыта оқыту технологиялары. Алматы 2002ж.
   
3. 
   Б.А.Тұрғынбаева . Б.Ш. Шәбденов. Шығармашылық баспалдақтары. Алматы 2003ж.
   
4. 
   Н.Айымбеков. Санамақ. Алматы. 2002ж.
   
5. 
   С.С.Аяпбергенова . Қ.Т. Тұрғынбаева . С.Б.Жакенова. Көркем әдебиет. Алматыкітап 2004ж.
   
6. 
   З.Бисенбаев . Б. Игенбаева . Г.Әріпова.. Ана тілі хрестоматия . Алматы «Атамұра» 2009ж.
   
7. 
   Ф.Ш. Оразбаева . Т.Т.Аяпова . Н.Х. Шадиева . «Қазақ тілі» оқу кітабы жоғары деңгей. Алматы «Жазушы» 2007ж.
   
8. 
   Е.Өтетілеу. «Жаттамақ» Алматы «Балауса» 1994ж.
   
9. 
   Т.Т.Аяпова, Ф.Ш.Оразбаева , Г.Т.Бисенбекова «Қазақ тілі» оқу кітабы, ортадан жоғары деңгей. Алматы «Жазушы» 2007ж.
   
10. 
    Қ.А. Аймағанбетова , З.Ф.Олейник, Г.М.Жүнісова, С.Ж.Базарбаева «Дүниетану» хрестоматиясы. Алматы «Атамұра» 1998ж.
    
11. 
    М.Велижанина, Т.Оралбекова Еңбекке баулу хрестоматиясы. Алматы «Атамұра» 1998ж.
    
12. 
    Журналдар тізімі:
    

ә)Балдырған

б) Айгөлек

в)Бала би