ШЕШІМ: №1 педагогикалық кеңестің шешімі орындалды деп есептелінсін.
2 ТЫҢДАЛДЫ: Әдіскер баланың даму деңгейінің көрсеткішіне тоқталды. Қыркүйек айында айлық жоспарға сәйкес баланың даму деңгейін анықтау мақсатында барлық топтарда индикатор жүргізілген болатын. Бұл бастапқы индикатор. Индикатор жүргізбес бұрын тәрбиешілермен бірігіп отырып Қазақстан Республикасы Білім жəне ғылым министрінің 2016 жылғы «12» тамыз № 499 бұйрығымен бекітілген «Мектепке дейінгі тəрбие мен оқытудың үлгілік оқу бағдарламасын» негізге ала отырып бес білім саласы бойынша сұрақтар құрдық. Индикатор жүргізгендегі негізгі мақсатымыз баланың даму деңгейі қандай соны анықтау болды. Әрине, балабақшаға бұрыннан келіп жүрген балалардың даму деңгейі тұрақты.
ШЕШІМ: Баланың даму деңгейін анықтау мақсатында жүргізілген индикатор қорытындысының негізінде барлық топ балаларымен бес білім беру саласы бойынша түзету жұмыстары жүргізілсін. Баланың жеке даму траекториясының болжамын жасау парағын негізге ала отырып әр баламен жеке жұмыс жүргізілсін. Жауапты барлық топ тәрбиешілері. Орындалу мерзімі 2018 жылдың қараша, желтоқсан айлары.
