Пиелонефрит – бүйректің және бүйрек түбегінің көбінесе интерстициялық талшығының қабынуы. Бұл – бүйректің ең жиі кездесетін ауруы. Балалардың алғашқы 5 жасқа дейінгі өмірінде пиелонефрит ауруы 3-4 рет кездеседі. Ер балаларға қарағанда қыз балаларда пиелонефрит жиі кездеседі,оның себебі қыз балалардың зәр шығару жуйесінің анатомиялық және физиологиялық орналасу ерекшеліктеріне байланысты.
Этиологиясы
Балаларда пиелонефриттің дамуына ең басты себепкер ішек таяқшасы болып табылады. Бактериологиялық зерттеу кезінде көк ірің таяқшасы,алтын түсті стафилококк,стрептококктар, энтерококктар,протей таяқшалары,грамм теріс және грамм оң микроорганизмдер қоздыратыны анықталған.
Балалардағы пиелонефритті дамытушы қауіпті факторлар.
1. Баланың бүйрегі мен зәр шығару жолдарының ақаулары – бүйрек түбектерінің салыстырмалы түрде кеңдігі, несеп ағарларының түзу еместігі, зәр шығару каналының қысқа, кеңдігі.
2. Баланың қорғаныш күштерінің төмендігі, әсіресе фондық аурулары бар балаларда.
3. Бүйректің және зәр шығару жолдарының туа пайда болған ақаулары.
