1. Жеке тұлғалық сауалнамалар
2. Сауалнамалардың түрлері.
Мақсаты:Тұлғалық сапаларды зерттеу әдістерімен таныстыру, түсінік беру. Жеке тұлғалық сауалнамалар субъективті диагностикалық ыңғайдың классикалық үлгісі болып табылады. Сауал – жеке тұлға туралы ақпарат алуға мүмкіндік беретін сенімді тәсіл. Соңғы 10 жылдықта сауалнамалар әлем бойынша диагностикалық зерттеуде үлкен таралымға ие. Ресей психологиясы тарихында жеке тұлғалық сауалнаманың қалыптасуы әртүрлі кезеңнен өтеді. 1950 жылдары олар ғылыми қоғам жүйесінде тұлғалық зерттеу үшін маңызсыз болды. 1960 жылдар соңында басқа да психодиагностикалық әдістемелер секілді Б.В. Зейгарниктің айтуы бойынша сауалнама академиясы кезеңі басталды. 1970 жылдардың басына таман сауалнамалар әлем бойынша үлкен танымалға ие болды. Жеке тұлғалық сауалнамалар белгілі бір сұрақтар жүйесінен құралады. Осы сұрақтарға зерттелуші берілген нұсқаулар бойынша жауап беруі тиіс. Кейбір сауалнамалар 20 тапсырмадан тұрса, кейбіреулер бірнеше жүзге дейін созылады.
Сауалнама түрлері:
Типологиялық сауалнамалар
Әркім ең алғаш жеке тұлғалық сауалнамамен таныса отырып, оның ақпараты мен сауалнаманың нәтижесі мен жауаптардың шындыққа сәйкес келетіндігі жайлы ойланады. Зерттелуші сұрақтарға әділ жауап бермеуі мүмкін. Соның кесірінен өзі және өзінің мінез-құлқы туралы қате көзқарас қалыптастыруы мүмкін. Егер зерттелуші шындықпен жауап бермейтін болса, сауалнаманы диагностикалық бағытта қолданудың маңызы болмайды.