Бастауыш сыныптар арасында өткен «Өнер, білім бәрі де оқуменен табылған» атты апталықтың қорытынды есебі

Оқу үдерісін жетілдірумен қатар баланың шығармашылық, жас және жеке ерекшеліктерін ескере отыра, рухани-адамгершілік, эмоционалдық және дене дамуын қамтамасыз ету керек. Сол себепті де бастауыш сынып мұғалімдері апталық жоспарын құра отыра, алдына келесі міндеттер қойды:

 - оқушының оқуға деген оң мотивациясын қалыптастыру;

 - сабақ және сыныптан тыс шараларды қызықты өткізу формаларын қолдана отыра, барлық балаларды оқу және тәрбие үдерісіне тарту.

1. Апталықтың ашылуы

2. Ашық сабақтар

3. «Қысқы табиғат көрінісі» сурет көрмесі

4. «Әдемі жазу - өнер» көркем жазу байқауы

5. «Ертегілер елінде» ертегілер қойылымы

7. Ашық тәрбие сағаттары

8. Апталықтың жабылуы.

Мұғалімдер ашық сабақтарында жаңа инновациялық технологиялардың әдіс –тәсілдерін тиімділігіне қарай шебер қолдана білді. Сабақтардың құрылымы жүйелі құрылды.

Сабақтарға бастауыш сынып мұғалімдері, мектеп әкімшілік қатысып, талдау жасалып, жақсы баға берілді.

Мұғалімдер сабақ өткізудің түрлі формаларымен практика жүзінде танысты.

Келесі мұғалімдердің ашық сабақтары жоғары әдістемелік формада өткізілді: қазақ тілі – 3а сыныпта – мұғалімі Неғметжанова А.З., математика – 2б сыныпта - мұғалімі Зубова В.И., математика 1а сыныпта мұғалімі Мейрхан А.
Сонымен қатар бастауыш сынып мұғалімдері көптеген қызықты сыныптан тыс шаралар өткізді.
Қазақ тілі пәнінен 2«б», 4«б» сыныптарында Ташимова А.Қ. өткізген интеллектуалды ойыны, 2 «б» сынбында Зубова В.И. өткізген «Зачем человек есть?» сынып сағаты, мектепалды даярлық сыныбында өткізген «Тілашар» сынып сағаттары да ойындар тартымды, әрі қызықты өткенін мақтанышпен атауға болады.

Сондай-ақ, Ташимова А.Қ. өткізген интеллектуалды ойыны танымдық, шығармашылық қабілеттерін арттыру мақсатында «Білімділер» және «Тапқырлар» атты 2 топ болып, ұлты орыс балаларының жарыса қазақша жауап берулері, мұғалімнің қазақтың әдеп-ғұрып, салт-дәстүрін, қасиетті қазақтың киіз үйін дәріптеп үйретуі, оқушылардың шаңырақ астында уыққа керегі боайылып, киіз үйді құрып дөңгелене билеуімен аяқталуын ерекше атап өтуге болады.

Бастауыш сынып оқушыларының үздік дәптерлері  көрмеге қойылып, жауаптанушы мұғалім Гелескул Г.А. көркем жазу туралы баяндама жасады. «Әдемі жазу - өнер» байқауы бойынша 1а сынып Нуржанова Д., 2а сынып Айгужин Е., Каппасова А., 2б сынып Власова Н., Мырзаболат А., 3а сынып Хизырбек А., 4б сынып Искакова И. қатарлы оқушыларға ерекше баға берілді.