Батыс Қазақстан облысының білім басқармасы «Өркен» қосымша білім беру орталығы

Басқарма басшысының орынбасары «Өркен» ҚББО директоры

З.Гумарова А.Қожанғалиев

«Өркен» қосымша білім беру орталығының жұмыс жоспары

Орал - 2017

МАЗМҰНЫ

1. 
   Кіріспе 3 бет
   

2. 
   Орталықтың мақсат – міндеттері 4 бет
   

3. 
   Орталықтың 2016 жылғы жұмысына талдау 5 бет
   

4. 
   Облыстық іс-шаралар жоспары 26 бет
   

5. 
   Ұйымдастырушылық педагогикалық қызмет 30 бет
   

6. 
   Тәрбие бағыттары бойынша ұйымдастырылатын 31 бет
   

7. 
   Педагогтармен әдістемелік жұмыс ұйымдастырудың 35 бет
   

8. 
   Психологиялық қызмет 36 бет
   

9. 
   Әдістемелік кеңестің жоспары 37 бет
   

10. 
    Педагогикалық кеңестің жоспары 38 бет
    

11. 
    Педагогтардың біліктілігін арттыруды ұйымдастыру 39 бет
    

12. 
    Директор жанындағы кеңес 41 бет
    

13. 
    Аттестациядан өтетін педагогтармен жұмыс 42 бет
    

14. 
    Әкімшілік – шаруашылық жұмыстар 43 бет
    

«Нәтижелі, сапалы, саналы тәрбие –

бүгінгі және келешек ұрпақ үшін!»

Балалардың бос уақытын пайдалы істерге жұмылдыруға күш салған «Өркен» қосымша білім беру орталығы жылдан жылға тың идеялармен облысымыздағы балалар қозғалысын қарқынды дамытып келеді. Мұның өзі еліміздің гүлденуіне үлес қосар болашақ жастарымызға серпін беріп жатқан игі бастама деп қабылдаймыз.

Орталық алға қойған мақсаттарын дәл айқындап нақты жоспарлар мен бағдарламаларды, қажетті жобаларды жүзеге асыруда. Орталықта балалардың өздерінің қызығушылығымен қатысатын Республикалық бірыңғай «Жас Ұлан» балалар ұйымы, «Көшбасшылар мектебі» және «Тәлімгерлер мектебі» үйірмелері, «Жас психолог» клубтары жұмыс істейді. Сондай-ақ, «Жас полицей» тобы, «Жас инспекторлар» тобы, «Наркобекеттер», «Жас ізденушілер», «Жас өрт сөндірушілер», «Жас құтқарушы», әскери спорттық клубтарға балалар ұйымдары жетекшілеріне, қосымша білім беру педагогтарына әдістемелік көмектер көрсетіліп облыстық шаралар ұйымдастырылады.

Мектеп және колледж оқушылары арасында салауатты өмір салтын насихаттау, патриоттық клубтарды және әскери-спорттық ойындарды дамыту мақсатында патриоттық және бұқаралық спорт бөлімі жұмысын жалғастыруда.

Орталықта «Жас өркен» балалар мен жастар ұйымдарының одағы» жастар қоғамдық бірлестігі жұмыс жасауда. «Жас өркеннің» жас көшбасшылары облысымыздағы қоғамдық шараларда белсенділік танытып, өздерінің көшбасшылық қабілеттерін танытып келеді.

«Өркен» қосымша білім беру орталығының веб-сайты жұмысы жалғасуда. www.cdoorken.kz сайтында орталықта өткен шаралар туралы мақалалар жазылып тұрады. Сайтта «Балалар шығармашылығы», «Сценарий», «Психолог қызметі», «Әдістемелік бұрыш» бөлімдері, облыстық байқаулардың ережелері, фотогалерея, әндер жинағы, форум, видеотека орналасқан. Сайттың тәлімгерлерге, ұстаздарға пайдасы зор.

құжаттармен белгіленген құзырет шегінде білім беру

• 
  Облыста балалар, оқушылар, жастар қоғамдық бірлестіктерін дамыту;
  
• 
  Балалар, оқушылар және жастардың қоғамдық бастамаларын қолдау;
  
• 
  Азаматтық құқықтар мен міндеттерді орындауға қабілетті, ерікті, әрі жауапты тұлғаларды қалыптастыруға бағытталған балалар мен жастардың әрекеттік ортасын ұйымдастыру;
  
• 
  Мектеп және колледж оқушылары арасында салауатты өмір салтын насихаттау;
  
• 
  Патриоттық клубтарды және әскери-спорттық ойындарды дамыту.
  

• 
  Балалардың жеке тұлға ретінде дамуы, денсаулығын нығайтуы, кәсіби таңдау жасауы, шығармашылық еңбек етуі үшін қажетті жағдай туғызу, олардың қабілеттерін іс жүзіне асыру;
  
• 
  Балаларды қоғамда өмір сүруге бейімдеу;
  
• 
  Өсіп келе жатырған ұрпақтың азаматтық сана-сезімін, жалпы мәдениетін, салауатты өмір салтын қалыптастыру;
  
• 
  Тәрбие жұмысын кешенді жүргізу, тиімді нысандар мен әдістерді қолдану;
  
• 
  Қоғамдық-саяси және мәдени өміріне қатысу қажеттілігін қалыптастыру;
  
• 
  Облыс құрама командаларын іріктеу және олардың республикалық спартакиадаларға қатыстыру.
  

2016 жылдың 5 ақпанда «Өркен» қосымша білім беру орталығының мәжіліс залында жол жүру ережелерінің «Назар аударыңыз, балалар!» байқауы өткізілді. Байқауда Орал қаласы, облыстық көру қабілеті бұзылған балаларға арналған арнаулы мектеп-интернаты, облыстық есту және сөйлеу қабілеті бұзылған балаларға арналған мектеп-интернаты, Ақжайық, Бөкейорда, Бөрлі, Жаңақала, Жәнібек, Зеленов, Казталов, Қаратөбе, Сырым, Тасқала,Теректі, Шыңғырлау аудандарының оқушылары мен педагогтарының жұмыстары (барлығы 150 жұмыс) қаралды.

Қазылар алқасы жұмыстар сапасының жоғарылығын атап айтты.

«Назар аударыңыз, балалар!» байқауына оқушылардың қатысу деңгейі жақсы. Үздік суреттер, плакаттар байқауларында оқушылар белсенділік танытты. Биылғы қосылған «Үздік демотиватор» байқауына оқушылардың қатысу деңгейі орташа болды. Барлық аудандар жұмыстарын тапсырды.

ІІ орын – Аман Азаткүл, Сырым ауданы, ЖББ Сырым орта мектебі балабақша кешені; ІІІ орын - Беженарь Вадим, Облыстық психологиялық-педагогикалық кеңес беру мемлекеттік мекемесі; ІІІ орын – Лепұлы Оразалы, Қаратөбе ауданы, Алакөл негізі орта мектебі; ІІІ орын – Серікқали Шұғыла, Орал қаласы, С. Ғұмаров атындағы балалар көркем сурет мектебі.

ІІІ орын- Плотникова Ксения, Зеленов ауданы, Трекин ОЖББМ. «Үздік демотиватор» аталымы: ІІ орын – Мороз Дарья, Бөрлі ауданы, Балалар өнер мектебі: ІІ орын – Қайырболат Қалыбек, Ақжайық ауданы, Мерген ОЖББМ.

Волейболдан «Шұбар доп» мектеп лигасының облыстық турнирі

2016 жылдың 11-14 ақпан күндері Орал қаласының №10, 47 жалпы орта білім беретін мектептерінің спорт залдарында волейболдан «Шұбар доп» мектеп лигасының облыстық турнирі өткізілді. Жарысқа 37 команда 330 оқушы қатысты.

Турнир нәтижесінде: 2001-2002 жылғы туған қыздар арасында: I орын - Шыңғырлау ауданы Л.Қылышов атындағы ЖОББМ; II орын – Орал қаласының №7 ЖОББМ; III орын - Бөрлі ауданы Приурал мектеп балабақша кешені. 2001-2002 жылғы туған ұлдар арасында: I орын - Жәнібек ауданы №1 ЖОББМ; II орын – Бөкей ордасы ауданы А.Құсайынов атындағы ЖОББМ; III орын - Зеленов ауданы Асан ЖОББМ. 1999-2000 жылғы туған қыздар арасында: I орын – Орал қаласының №19 ЖОББМ; II орын – Бөрлі ауданы №4 ЖОББМ; III орын – Бөкей ордасы ауданы М.Маметова атындағы ЖОББМ. 1999-2000 жылғы туған ұлдар арасында: I орын - Бөрлі ауданы Приурал мектеп балабақша кешені; II орын - Казталов ауданы Т.Молдашев атындағы ЖОББМ; III орын - Жәнібек ауданы Т.Жароков атындағы ЖОББМ.

«Шұбар доп» мектеп лигасының денгейі жыл сайын артып келеді. Оған себеп - жаттықтырушылардың тұрақты түрде жаттығу өткізуі, оқушылардың республикалық жарыстарға қатысып шеберліктерін аттыруы, сонымен қатар, аудандық жарыстардың көбірек ұйымдастырылуы. Осы жылғы кемшілігіміз 2 жас ерекшелігі бір уақытта өткізілген болатын, келесі жылы жас ерешелігіне байланысты әр түрлі уақытта өткізілу жоспарлануда.

Балалар музыка мектептерінің, өнер мектептерінің және мамандырылған музыка мектептерінің фортепиано бөлімдері мен хор ұжымдары жас музыкант – оқушыларының 50 – ші облыстық фестиваль – конкурсы

25-26 ақпан күндері Орал қаласындағы Д.Нұрпейісова атындағы №1 балалар саз мектебі және №3 балалар саз мектебі базасында балалар музыка мектептерінің, өнер мектептерінің және мамандандырылған музыка мектептерінің фортепиано бөлімдері мен хор ұжымдары жас музыкант – оқушыларының 50-ші облыстық фестиваль – конкурсы өткізілді.

Конкурстың облыстық кезеңіне Ақжайық, Бөкейорда, Бөрлі, Жәнібек, Зеленов, Қаратөбе, Сырым, Тасқала, Теректі аудандары, Орал қаласының Д.Нұрпейісова атындағы №1 БСМ, №2 БСМ, №3 БСМ, №1 Өнер мектебі, №5 БСМ, дарынды балаларға арналған мамандырылған №11 С.Сейфуллин атындағы облыстық қазақ мектеп-интернат кешенінің оқушылары, барлығы 320 оқушы қатысты.