Сілекей бездері – құрылысы жағынан паренхималы мүшелерге жатады,яғни паренхимадан және стромадан тұрады. Без паренхимасын сілекей бөлетін соңғы бөлімдер және шығару өзектері құрайды. Без бөлікшелері – соңғы бөлімдер мен майда шығару өзектерінен (ендірмеөзектер, жолақты өзектер, бөлікшеішіндегі өзектер) тұрады. Олар өзара жұқа дәнекер ұлпалық аралықтармен байланысқан. Ірі шығару өзектері бөлікшелераралық дәнекер ұлпалық аралықтарда орналасады. Шықшыт безінің соңғы бөлімдері сероциттерден, ал алқым және бұғақ бездерінің соңғы бөлімдері - сероцитерден (құрамында ферменттер болатын сілекей бөледі) және мукоциттерден (құрамында муцин болады) тұрады.
Достарыңызбен бөлісу: |
