СӨЖ тапсырмалары Бақылау сұрақтары Периодтық жүйе бойынша қандай элемент атомдарының электрондық құрылымы периодты түрде қайталанады?
Неліктен бір топ элементтерінің жалпы қасиеттері ұқсас болады?
Неліктен топ элементтері қасиеттерінде (иондану энергиясы, тотығу-тотықсыздану, металдық, бейметалдық) айырмашылықтар болады?
Топтар бойынша s- және p-элементтердің тотықсыздандырғыштық қасиеттері қалай өзгереді?
Периодтық жүйеде бойынша элементтер атомдық массаларының өсу ретімен орналасқан. Жай заттар қасиеттері неліктен периодты түрде өзгереді?
В, С, N қатарында бірінші иондану потенциалы неліктен артады?
Бордың бірінші иондану потенциалының бериллиден төмен болу себебін түсіндіріңдер.
Азоттан оттекке өткен кезде иондану потенциалы неліктен төмендейді?
Электронға жақындық деген не? Ол элементтің периодтық жүйедегі орнына байланысты қалай өзгереді?
Әдістемелік нұсқау
Дәріс және практикалық сабақ материалдарын және берілген әдебиеттерді пайдаланып элемент атомдарының периодтық жүйеде орналасу ретіне қарай период және топ бойынша қасиеттерінің өзгеру заңдылықтарын атом құрылысымен байланыстыра отырып қарастырыңдар
Орындалған тапсырманы «Универ» жүйесіне файл түрінде жүктеңдер.
Әдебиет
Глинка Н.Л. Жалпы химия : Оқу құралы. 1-том / Н. Л. Глинка, С. С. Бабкина. - Алматы : TechSmith, 2018. - 208 бет
Бірімжанов Б.А., Жалпы химия .Алматы : ЖШС РПБК "Дәуір", 2011. - 752 бет
