Ақпараттық мәдениет және оның компоненттері

Э.Л.Семенюктiң пiкiрi бойынша "ақпараттық мәдениет - Ақпараттық мәдениет – ақпараттық қызметтің мүмкін болатын барша түрлерін: алуды, жинақтауды, сақтауды және кез-келген өңдеуді жүзеге асырып, осының негізінде сапалық жағынан жаңа ақпарат жасауға, оны беруге, іс жүзінде пайдалануға мүмкіндік беретін адамның, қоғамның, немесе оның белгілі бір бөлігінің сапалық жетілу деңгейі". 

Ақпараттық мәдениетті, сауатты адам - ақпараттың қажет кезін сезіну, оны тауып алуға, бағалауға және тиімді қолдануға қабілетті, ақпарат сақталатын дәстүрлі және автоматтандырылған құралдарын пайдалана білуі керек. 

Қоғамның ақпараттық қоғамға өтуі өз дамуында білім беру жүйесі алдында болашақ маманның ақпараттық мәдениетінің негіздерін қалыптастыру мақсатын қояды.

Қоғамдық өмірге ақпараттық технологияны енгізудің «білім беру» бағыттары:

1. 
   Ақпараттық қоғам жағдайында білім мазмұны мен қызметін, педагогикалық қызметтің формалары мен әдістерін өзгерту;
   
2. 
   Ақпараттық технология мен ақпараттандыру құралдарының шығармашылық қабілеттер мен кәсби бағдардың дамуына жағымды әсері;
   
3. 
   Ақпараттық технология тәрбиелеік әсері;
   
4. 
   Білім беруде мультимедиа-технологияны қолдану мүмкіндіктерінің пайда болуы;
   
5. 
   Ақпараттық қоғам жағдайында үздіксіз білім берудің болашақтағы дамуы;
   
6. 
   Оқыту құралдарының электрондық моделінің жаппай қолдану және дамыту;
   
7. 
   Қоғамның ақпараттық ресурстары негізінде дамыта оқытудың қалыптасуы
   
8. 
   Қосымша білім беруге ақпараттық және телекоммуникациялық технолгияларды енгізу;
   
9. 
   Ақпараттық қоғамда дәстүрлі және инновациялық оқыту тәсілдерінің мүмкіндіктерін үйлестіру;
   
10. 
    Оқытушылардың оқыту үдерісінің барлық түрлерінде жұмыс істуге арналған ақпараттық мәдениетін қалыптастыру;
    
11. 
    Оқу мекемелерін басқарудың жаңа тәсілдерін жасау және педагогикалық еңбектің сапасын бағалау;
    
12. 
    Ақпараттық қоғамда білім беру жағдайларының ауқымы және интеграциялау.
    

• 
  ҚР-да білімді ақпараттандыру мәселелері.
  
• 
  Алғаш рет Орта білім беру жүйесін ақпараттандырудың Мемлекеттік бағдарламасы (1997-2001 жж.) Қазақстан Республикасының Президенті Н.Ә. Назарбаевтың № 3645 Жарлығымен 22.09.1997 ж. бекітілген болатын.
  
• 
  2001 ж «Интернет мектептердің» тізімаралық бағдарламасы жасалды;
  
• 
  2002-2004 жж. ҚР-ның Білім беру жүйесін ақпараттандыру тұжырымдамасы жасалды;
  
• 
  2007-2009 жж. ҚР-нда ақпараттық теңсіздікті төмендету бағдарламасы жасалды;
  
• 
  2005 ж. 2010 ж. кезеңінде Білім беруді ақпараттандырудың нақты бағыты Қазақстан Республикасының білім беруді дамытудың мемлекеттік бағдарламасында бекітілді.
  
• 
  2008-2012 жж. Интернет желісінің қазақстандық сегментінде (Қазнет) Біртұтас ақпараттық кеңістікті қалыптастыру мен дамытудың тұжырымдамасы қабылданды;
  
• 
  2011-2020 жж. Білім беруді дамытудың мемлекеттік бағдарламасында 2020 жылы білім берудің қазақстандық жүйесі біртұтас әлемдік ақпараттық білімдік кеңістіктің бөлігі ретінде қызмет ететін болады. Бағдарлама біртұтас ақпараттық білімдік кеңістікті құру бойынша, ең алдымен «білім беруді дамытудың ақпараттық және ғылыми әдістемелік жасақтамасының біртұтас жүйесінің негізін қалыптастыруға және білім беруді тиімді басқарудың объектілері мен процестері үшін салалық ақпараттық жүйені құруға» мүмкіндік беретін басым бағытты анықтайды. Адамзаттық ресурстардың әлуетін арттыру мақсатында электрондық оқыту білім беруді түбегейлі жаңартудың басым бағыты деп аталған.
  
• 
  2017 жылдың 12 желтоқсанындағы № 827 қаулысымен «Цифрлық Қазақстан» мемлекеттік бағдарламасы бекітілді.
  
• 
  Н. Назарбаевтың 2018 жылғы 10 қаңтардағы «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауы.