Білім берудің формальдық теориясы – оқытудың мақсаты оқушылардың танымдық қабілетінің дамуы, ес, ойлау қабілеттеріне көңіл бөлу. Бұл теорияны И.Песталоцци, А.Дистервег жақтаған.
Білім беру жүйесі - білім беру бағдарламаларын жүзеге асыратын мекемелердің жиынтығы.
Білім беру стандарты – оқушылар меңгеретін міндетті білім деңгейін көрсететін құжат
Басқарушы жүйе – мектеп басшылығы мен мұғалімдер.
Басқарылушы жүйе – оқушылар мен олардың ұйымдары.
Басқару субьектісі — иерархиялық бағынышты лауазымды тұлғалар.
Басқару этикасы — әкімшілік-шаруашылық функцияларды сапалы орындауға бағытталған теориялық-қолданбалы этикалық білімдер мен практикалық ұсыныстардың жүйесі.
Басқарудың классикалық теориясы – 1930ж. дейін басты орында болған. Классикалық теория бірлескен ісәрекет нәтижелілігінің негізгі шарттары не, қашан, қайда және қалай істеу керектігін анықтайтын басқарудың нақты ресми құрылымы, жемісті жұмысты (ең бастысы, материалдық жағынан) қамтамасыз ету деп санаған.
Басқарудың адамдық қарым-қатынас теориясы – адамның ұйымдағы мінез құлқын анықтайтын факторларды, мақсаттылық пен жеке тұлғалар арасындағы қатынастарды бірінші орынға қояды. Бұл теория ХХғ. 50-60ж. АҚШта кең өріс жайған.
Басқарудың жүйелік теориялары – басқарудың рационалистік және мінез құлықтың жағымды жақтарын біріктіруге ұмтылған, ұйымдастырушылық даму теориясы.
Басқарушының функциясы — жүйенің қалыпты өмір сүру қызметін қамтамасыз ету үшін орындалатын біртектес міндеттердің жиынтығы.
Бастапқы ақпарат – оқушылар туралы алғашқы мәліметтер.
Жедел (ағымдағы) ақпарат – қысқа мерзім бөлігінде (күн, апта) алынатын ақпарат.
Жылдық жоспар – мектеп өмірінің жетекші құжаты, онда жазғы каникулды қосқанда, мектеп іс–әрекетінің барлық жағын қамтитын, олардың бірлігі, ішкі және сыртқы байланыстары мен өзара тәуелділігі есепке алынып, бүкіл оқу жылына арналған жоспар.
Достарыңызбен бөлісу: |
