Кәсіби құзыреттілікті дамыту құралдары

Кәсіби құзыреттілікті дамыту құралдары

А. Бодалев, В. Жуков, Л. Лаптев пікірінше кәсіби құзыреттілік – ол субъектіні кәсіби даярлау және оның іс-әрекет міндеттерін, тапсырмаларды орындау қабілеттілігі, оның кәсіби әрекет талаптарына сәйкестігінің өлшемі мен негізгі көрсеткіші. Педагогтың кәсіби құзыреттілігінің негізгі құрамдас компоненттері:

• білім – адам санасында қалыптасқан оның қоршаған сыртқы және ішкі әлемі туралы ақпарат;
• іскерліктер – білімді тәжірибеде қолдану, іс-әрекет тәсілдер ін меңгеру қабілеттілігі;
• дағдылар – бірнеше қайтара қайталап орындау негізінде машықтану деңгейіне жеткізілген әрекеттер;
• кәсіби ұстаным – әрекет пен мінез-құлық сипатын анықтайтын қатынас, құндылық бағдарлардың жүйесі, тәжірибені, шынайылықты және перспективаларды бағалау.
• адамның жеке-психикалық ерекшеліктері – адамның сапаларында көрініс табатын және оның даралығын, іс-әрекет стилін, мінез-құлқын анықтайтын психиканың түрлі құрылымдық-функционалдық компоненттерінің үйлескен жиынтығы;
• акмеологиялық нұсқалар – өзін-өзі дамытудың, шығармашылықтың және өзін-өзі жетілдірудің қажеттілігін негіздейтін ішкі ынталандырушы күштер.