Бизнеске кіріспе
жүктеу/скачать 2,36 Mb. Pdf көрінісі
|
Kadirbergenova1
- Бұл бет үшін навигация:
- Lean Startup
- Lean Startup әдісі
| 6.3 Канва бизнес-моделі
Канва бизнес-моделі қалай құрылатынын қарамай тұрып, сіз үшін жаңа ұғым – үнемшіл стартапты (немесе Lean Startup) енгізу керек. Lean Startup – бұл үнемшіл өндіріс тұжырымдамасы. Стартап төтенше белгісіздік жағдайында іс-әрекет етеді және іске қосу кезінде мұны ескеру керек. Дамудың бастапқы кезеңінде қателіктер арқылы үйрену және негізін қалаушылардың гипотезаларын барынша тез тексеру үшін стартап икемді болып қалуы қажет, яғни ірі салымдар мен шығындарды болдырмауы тиіс. Дәл осындай тәсіл Lean әдісінің негізінде жатыр, оның мақсаты кәсіпкерлерге стартаптың табысқа жету мүмкіндігін арттыруға көмектесу. Стартапты іске қосқанға дейін өнімнің нарыққа қажеттігіне сенімді болу мүмкін емес. Сондықтан стартаптың маңызды міндеті – нарықта не қажет екенін, клиенттер нені қалайтынын және олар не үшін төлеуге дайын екенін тез түсінетін қабілетті қалыптастыру болып табылады. Стартапты басқаруды жол жағдайына бейімделіп, бағытты жылдам өзгертуге болатын автокөлік жүргізумен салыстыруға болады және мұндай тәсілді барлығын алдын ала есептеп, алдын ала жоспарлайтын зымыранды ұшырумен салыстырады. Автокөлік рөлінде отырып, біз қайда баратынымызды дәл білеміз. Егер біз оқуға бара жатсақ тек бұрылыстан қателескеніміз үшін немесе жолды жауып қойғаны үшін қайтып кетпейміз және айналма жолды іздейміз. Бізге бет алған жерімізге қалай да бару керек. 112 Стартап та өзінің қайда бағыт алғанын, өзінің межелі пунктін дәл біледі: әлемді өзгерте алатын – гүлденген кәсіпкерлік. Lean Startup әдісі бастапқыда мінсіз өнім жасауға емес, өміршеңдігі ең төмен өнімді (MVP) шығаруға және клиенттерден олардың нақты қажеттіліктерін түсіну үшін тұрақты кері байланыс жасауға бағытталған. Егер бастапқы жорамалдар тәжірибемен расталмаса, онда олар қате және онда пивот (вираж) жасау – қозғалыс бағытын түбегейлі қайта қарау қажет. Мұндай тәсіл стартап ешкім қажет етпейтін өнім жасайды деген тәуекелді толық төмендетеді. Негізін қалаушы Ник Суинмерннің адамдар интернетте аяқ киім сатып алады деген гипотезасынан басталған аяқ киімнің ең табысты интернет-дүкені Zappos – осындай стартаптың мысалы бола алады. Суинмерн бірнеше аяқ киім дүкендерінің ассортиментін суретке түсіріп және фотосуреттерді интернетте орналастыра отырып, өзінің болжамдарын тексеру үшін шағын зерттеулер өткізді. Егер клиент сайтта тапсырыс қалдырса, Суинмерн жай ғана дүкеннен аяқ киімді қалыпты баға бойынша сатып алып, оны сатып алушыға жіберді. жүктеу/скачать 2,36 Mb. Достарыңызбен бөлісу:
|