Дамира Өмірзаққызы Ибрагим
жүктеу/скачать 2,95 Mb. Pdf көрінісі
|
Адамзаттың Асыл Тәжі
| Мәдинаға жеткен хабар
Мәдинаға, Пайғамбарымызға суыт хабар жетті. Хабаршы қолындағы хатты Аллаһ Елшісіне табыстады. Хатта Құрайыш мүшріктерінің Мәдинаны басып алу мақсатымен, сақадай сай қаруланып жолға шыққандығы жазылыпты. Пайғамбарымыз көкесі Хазіреті Аббастың қолтаңбасын дереу таныды. Расулаллаһтың бұйрығымен сол жердегі мұсылмандарға жәрдемші болып, әрі айналасындағы оқиғалардан хабардар етіп отыру үшін оның Меккеде тұрып жатқан жайы бар-ды. Реті келгенде Мәдинаға көшкісі келетінін айтқанда Пайғамбарымыз (с.а.у.): "Сенің отырған жеріңде істегендеріңнің өзі - маңызды жиһад. Меккеде тұрғаның қайырлы",- деген-ді. Мұхаммед (с.а.у.) алғашқыда келген хабарды жасырын ұстауға бекінген. Алайда суыт хабар тез тарайды емес пе, қалай дерің бар ма, құрайыштың Мәдинаға шабуылдап келе жатқанынан халық әп-сәтте құлақдар болып үлгерді. Хазіреті Расулаллаһ алдымен құрайыш мүшріктерінің жалпы жағдайын бақылау мақсатымен бірнеше сахабасын Меккеге жолдады. Олар жолай құрайыш қолын көріп, бақылап, жай- жапсарын білген соң келген іздерімен кері қайтты. Тыңшылардың әкелген мәліметтері Хазіреті Аббастың жазғандарымен сәйкес шықты. Меккеден шығып жылдамдығын арттыра түскен құрайыш қолы шәууал айының басында сәрсенбі күні Ухуд тауына жақын «Айнәйн» аталатын төбе маңында орналасты. жүктеу/скачать 2,95 Mb. Достарыңызбен бөлісу:
|