2.3 КЕСТЕНІҢ ҚҰРЫЛУЫ. Кесте құру үшін ДҚ-сы терезесіндегі Кесте жинақшысының белгісін, содан кейін құру түймесін шерту керек.
Access жаңа кесте терезесін ашады және кесте құрудың бірнеше әдістерін ұсынады.
2.3.1 КЕСТЕ РЕЖИМІ. Кесте режимі вариантын таңдағанда Өріс 1,Өріс 2 және т.б. стандартты аттар бар 30 қатар /жазба/ және 20 бағаннан /өрістен/ тұратын кесте дайындығы пайда болады.
Кестені толтырғаннан кейін Access автоматты түрде, онда енгізілген ақпаратқа байланысты өрістер типін анықтайды. Өріс атын өзгерту үшін сәйкес бағанның тақырыбын 2-рет шертіп, жаңа ат енгізіп және Enter пернесін басу керек.
Кестеге ақпаратты енгізіп болған соң Сақтау түймесін басып құрылған кестеге ат беру керек. Содан кейін Access оған түйінді өріс қосуды ұсынады. Егер бұл ұсыныс қабылданса, онда кестеге енгізілген жазбалар реті /нөмірлері/ болатын Счетчик типті код өрісі қосылады.
Кесте режимін пайдалану, өрістерінің қажетті қасиеттерін орнатуға мүмкіндік бермейді. Ол үшін ДҚ-ы терезесіндегі конструктор түймесін басу арқылы шақырылатын кестенің конструктор режиміне өту керек.
