Заңдылық-әкімшілік құқықтың материалдық нормаларын іске асыру заңмен белгіленген тәртіппен дәл сәйкестікке жүзеге асырылуға тиіс.
Обьективтік шындық-қабылданған шешім істің барлық мән жайларын обьективті және жан-жақты зерттелуге негізделуі тиіс.
Азаматтардың заң және істі қарап шешетін органның алдындағы теңдігі-процестің қатысушылары жынысына, нәсіліне, ұлтына, тіліне,тегіне , мүліктік және лауазымдық жағдайына, тұратын жеріне, дінге көзғарасына, сеніміне, қоғамдық бірлестіктерге көзғарасына,өзге де мән жайларға қарамастан құқықтары жөнінен шектелуге тиіс емес.
Жариялылық-ашықтық және азаматтардың қолжетерлігі, сондай-ақ процеске қатысушылардың,мемлекеттік құпияға жатқызылған мәліметтері бар ақпарат, сондай-ақ процеске қатысушылардың өмірінің интимдік жақтары туралы мәліметтер бұған жатпайды.
Іс жүргізу тілі- іс жүргізу мемлекеттік тілде жүргізіледі,ал қажет болған жағдайда орыс тілі не басқа тілдер де қолданылады.
Сот құзыретінің ерекшелігі- соттың құзыреті, оның юрисдикциясының шегі, оның әкімшілік құқық бұзушылық туралы іс жүргізу тәртібі заңмен белгіленеді және өз бетінше өзгертуге болмайды.
Кінәсіздік презумпциясы- адам тек кінәсі анықталған құқық бұзушылықтары үшін ғана жауаптылықта болады.
Қайтадан әкімшілік жауаптылыққа жол бермеушілік- бір құқық бұзушылық үшін ешкімді де екі рет әкімшілік жауаптылыққа тартуға болмайды.
Жеке бастың ар-ожданы мен қадір-қасиетін құрметтеу-құқық бұзушылық туралы іс жүргізу кезінде іске қатысушы адамның ар-ожданын қорлайтын немесе қадір қасиетін кемітетін шешімдер мен іс-әрекеттерге тыйым салынады.
Куә айғақтарын беру міндетінен босату –ешкім өзіне –өзі, жұбайына заңмен белгіленген шектегі жақын туыстарына қарсы айғақ беруге міндетті емес.
Білікті заң көмегін алуға құқықтарды қамтамасыз ету- әркімнің әкімшілік іс жүргізу барысында заңға сәйкес білікті заң көмегін алуға құқығы бар.
Іс жүргізу барысында қауіпсіздікті қамтамасыз ету-іс жүргізу соттың, құқық бұзушылықты қарауға уәкілетті органның қалыпты жұмысын және ңс жүргізуде қатысушылардың қауіпсіздігін қамтамасыз ететін жағдайда өтеді.
Іс жүргізу іс-әрекеттері мен шешімдеріне шағымдану бостандығы-соттың, құқық бұзушылық туралы іс-әрекеттерді қарауға уәкілетті органның іс-әректтері мен шешімдеріне Кодексте белгіленген тәртіппен шағымдануға болады.
Достарыңызбен бөлісу: |
