Сол жақ қарынша, ventriculus sinister - конус пішінді, қабырғасының қалыңдығы оң қарынша қабырғасының қалыңдығынан 2-3 есе көп (10-15 мм және 5-8 мм), бұл бұлшықет қабатының есебінен пайда болады және сол қарыншаның (үлкен қан айналым шеңбері) оң қарыншаға (кіші қан айналым шеңбері) қарағанда көп жұмыс істеуіне байланысты. Сол жақ жүрекше- қарынша тесігі сопақ пішінді және қос жармалы немесе митралды қақпақпен жабылған, жармалардың бос жиектері қарынша қуысына қарайды, оларға сіңірлі жіпшелер бекиді. Емізікше бұлшықет сол қарыншада екеу- алдыңғы және артқы, әр емізікше бұлшықет митралды қақпақтың екі жармасына сіңірлі жіпшелер береді.
Жүрек қабырғасының құрылысы
Жүрек қабырғасы 3 қабаттан тұрады :
1.Ішкі-эндокардтан,
2.Ортаңғы-миокардтан,
3.Сыртқы-эпикардтан тұрады, ол перикардтың висцералды жапырақшасы.
Жүрек қабырғасының негізгі қабаты-ортаңғы миокардтан түзіледі, ол көлденең жолақты бұлшықеттен тұрады. Ішкі-эндокард жүрек қуысын жауып тұрады.Миокардтың қаңқалық бұлшықеттен айырмашылығы -олар жекелеген көп ядролы талшықтардан емес, бір ядролы жасушалардың-кардиомиоциттердің торынан тұрады. Жүрек бұлшық еті 2-ге бөлінеді : жүрекшелердің және қарыншалардың бұлшық ет қабаттары. Екі бөлімнің талшықтары екі фиброзды сақинадан басталады. Олардың біреуі оң жүрекше-қарынша тесігін, екіншісі сол жүрекше-қарынша тесігін қоршап жатады. Бір бөлімнің талшықтары екінші бөлімнің талшықтарына өтпейді. Сондықтан жүрекшелер мен қарыншалар жеке-жеке жиырылады. Жүрекшелердің бұлшықет қабаты 2 қабаттан тұрады : 1. Беткей-көлденең, 2.Терең-бойлық.
Беткей қабаттағы бұлшықет екі жүрекшені қоршап жатады, ал тереңдегісі әр жүрекшені жеке қоршайды.
Қарынша бұлшық еті 3 қабаттан тұрады. Беткей- бойлық талшықтардан, ол ішкі қабатқа өтеді. Ортаңғы қабат циркулярлы жүріп, бір қарыншадан екінші қарыншаға өтпейді, әр қарынша үшін дербес болады.
Жүректің өткізгіш жүйесі жүректің ырғақты қызметі мен оның жеке камераларының бұлшық еттерінің жұмысын үйлестіреді. Жүрекшелердің бұлшық еті қарыншалардың бұлшық еттерінен фиброзды сақиналар арқылы бөлінгенмен, олардың арасында күрделі нервтік – бұлшық еттік байланыс болады. Өткізгіш жүйенің құрамына бұлшық ет талшықтарының құрылысы ерекше – оның жасушалары миофибриллдерге кедей де, саркоплазмаға бай, сондықтан ақшылдау. Өткізгіш жүйенің жасушалары түйіндер мен будаларға топтасады :
Достарыңызбен бөлісу: |
