Cromolyn sodium - кромолин - натрий: 0,02 капс. - арнайы ингалятор «спингалер» көмегімен ингаляциялау қажет. Nedocromil sodium - недокромил - натрий: мөлшерленген аэрозоль. Ketotifenum - кетотифен (Б): 0,001 капс. және таб. - 1 капс. немесе таб. күніне 2 рет тамақ үстінде қолданылады.
2. Глюкокортикоидты препараттар - қабынуға қарсы, алллергияға қарсы және иммунодепрессивті әсер көрсетеді. Бронхиальды обструкция синдромында спазмолитикалық, ісінулерге қарсы әсері бар, адреномиметиктер, М-холиноблокаторлар жэне метилксантиндер әсер етпегенде бронхты кеңейтетін әсері бар. Глюкокортикоидтар гормонға тәуелді бронх демікпесінде (ингаляция) және демікпе жағдайында да (к/т) колданылады. Ингаляциялық глюкортикоидтарға (бронх демікпесін емдеу үшін қолданылады) беклометазон дипропионаты (бекотид, бекломет, беклокорт); будесонид (пульмикорт); флунизолид (ингакорт) жатады.
Қиыстырылған препараттары: «Беродуал» (фенотерол+атровент) аэрозолі; «Дитек» (фенотерол+кромолин-натрий) аэрозолі.
3. Лейкотриенді рецепторлардың блокаторлары: зафирлукаст (аколат), монтелукаст (сингуляр) - бронхоспазмды басып, тамыр өткізгіштігі мен ісінуді басып, бронхиола секретінің бөлінуін төмендетеді. Ингаляциялық глюкокортикоидтармен, В-адреномиметиктермен бірге және әсіресе аспиринді бронх демікпесінде қолданылады. Зафирлукасты науқас мезгілімен тәулігіне 2 рет қабылдау қажет. Ұзақ қабылдағанда тиімділігі төмендемейді. Монтелукасты тәулігіне 1 рет қабылдайды. Зиулетон - лейкотриен синтезін тежейтін препарат болып табылады.
