Мақаланың мақсаты - билингвал тілдік тұлғаның қалыптасуын, мәдениет пен адам қарым-қатынасындағы тілдік бейімделудің бүгінгі ерекшеліктері мен маңызын зерттей отырып, мультимәдени кеңістіктегі көптілді тілдік тұлға мәселелерін қарастыру. Осы мақсатқа орай төмендегідей міндеттерді шешу көзделеді:
Қазақстандағы көптілділіктің қажеттілігі мен оның қолданылу аясын анықтау;
-тілдік қарым-қатынасқа байланысты зерттеулерге сүйене отырып, көне заманғы және қазіргі тілдік бейнелерді салыстыру;
-тілдік тұлғаның теориялық-гносеологиялық құрылымын айқындау;
-мультимәдени кеңістіктегі көптілді тұлғалардың тілдік санасының ерекшеліктерін талдау.
Мақалада қолданылған әдіс-тәсілдер: сипаттау, талдау, жіктеу, салыстыру.
Коммуникацияның әлеуметтілігі үшін тілдік тұлға ұғымының түрлі типтегі әлеуметтік құрылымдардың мүшесі ретіндегі сәйкестігінің маңызының айқындалуы, мультимәдени кеңістіктегі бүгінгі тілдік бейненің қарастырылуы, тілдік тұлғаның үш деңгейінің сипатталуы мақаланың жаңалығы болып табылады.
Тірек сөздер: мультимәдени кеңістік, әлеуметтік-мәдени кеңістік, ақпараттық-коммуникативтік мәдениет, тілдік тұлға, көптілді тұлға, жеке тілдік тұлға, ұжымдық тілдік тұлға, билингвал тілдік тұлға, тілдік тұлға моделі, тілдік бейімделу, мәдени бейімделу, әлем бейнесі, вербалды-семантикалық сипат, прагматикалық сипат, когнитивтік сипат.
Достарыңызбен бөлісу: |
