Тақырыбы: Конструкторлар және деструкторлар Мақсаты – контрукторлар және деструкторлар туралы теориялық білімдерін тереңдету, оларды қолдануды үйрету, конструкторлар және деструкторлар бойынша практикалық дағдыларын бекіту.
Тапсырмалар:
Төмендегі тапсырмалардың барлығын инициализациялау үшін конструкторды және жадыдағы орынды босату үшін деструкторды қолданып орындаңыз:
«Жиын» класын сипаттау. Класс жиындарға қолданылатын негізгі амалдарды, яғни жиынға элемент қосуды және өшіруді, жиындардың қиылысуын, бірігуін және айырмасын орындау мүмкіндіктерін қарастыру қажет. Осы класпен жұмыс жасайтын программа жазу. Программада кластың барлық әдістерін тексеруге мүмкіндік беретін мәзір болуы қажет.
Көпмүшелік дәрежесімен және коэффициенттер массивімен берілетін бір айнымалылы көпмүшелік класын сипаттау. Берілген аргумент үшін көпмүшелік мәнін есептеу әдісін, көпмүшеліктерді қосу, алу және көбейту арқылы жаңа көпмүшелік алу әдісін, көпмүшелікті экранға шығару әдістерін қарастыру. Осы класпен жұмыс жасайтын программа жазу. Программада кластың барлық әдістерін тексеруге мүмкіндік беретін мәзір болуы қажет.
Жолдарға арналған класс құру. Жолды символдардың кері ретімен қайтаратын әдісті ұйымдастыру. Әдіс символдардан тұратын массив құрып, соған жолды жазу амалын орындау қажет. Содан соң массивті кері ретпен қойып, массив символдарын қолданып жаңа жол құру.
Жолдарға арналған класс құру. Жол символдар масссиві ретінде сақталуы қажет. Класта ішкі жолдарды алу, барлық символдарды жоғарғы және төменгі регистрлерге ауыстыру әдістері қарастырылу қажет.
Банктегі салым пайдасын есептейтін программа жазу. Пайда формуласы бойынша есептелінеді. Мұндағы, С – салым мөлшері, СР – салым мерзімі (тәулік саны), СТ – пайыздық мөлшерлеме (жылдық).
