188
Ойындық сәт. Қуыршақтар – Айсұлу мен Серік балаларға қонаққа келді. Олар «Кім епті?»
деген сұраққа үнемі дауласып жүреді. Балалардан осы дауды шешіп беруге
көмектесулерін сұрайды.
II. Негізгі кезең.
Бір-бірден тізбекке тұру. Қолына қамшы ұстап жүру: аяқтың ұшымен жүру, өкшемен
жүру – қолды әртүрлі қалыпта ұстайды – жоғары көтереді, алға созады.
Ойын түріндегі жаттығу: «Шабандоздар» – қолдың қалпын өзгерту, шынтағын жазу.
Негізгі қимылдарды шағын топтарға бөлініп, қыздар бөлек, ұлдар бөлек орындайды.
Көлденең нысанаға көздеп лақтыру (шеңберлер лақтыру сызығынан 2,5 метр қашықтықта
орналасқан).
Затты лақтыратын оң (сол) қол мен оң (сол) аяқты алға қойып, лақтыру күшін
әртараптандыру қабілетіне назар аударады.
Секіртпемен секіру. Секіртпені айналдыру және секіртпенің үстімен ақырын секіру
қимылдарын үйлестіре орындау қабілетіне назар аударады.
Қозғалды ойын: «Кетті, кетті орамал».
Ойын тәртібін естеріне салу. Жетекші рөлін атқару.
Ұйымдастырылған оқу қызметі барысында педагог балалармен жеке-жеке жұмыс істейді.
Достарыңызбен бөлісу: 
