Химиялық зертхана ісінде жүрек соғуының және тыныс алудың тоқтауының немесе бұзылуының себебтері электр тогының, жедел уланудың әсерлерінен болуы мүмкін. Әлбетте, жүрек соғу мен тыныс алу тоқтағаннан 5-6 минуттан соң, ми қабығында қайтымсыз процестер болатынын естен шығармаған жөн. Сондықтан да, зақымданған адам өмірін сақтап қалу, дәл уақытында және толықтай реанимациялық шараларды қолдануға: жүрек массажын және өкпенің жасанды ауа алмастыруын жүргізуге тәуелді болады. Зертхананың әр қызметшісі осы негізгі алғашқы көмек көрсетудің амалдарын білуге міндетті.
