Өз-өзінен қыздыру. Жанар-жағар майды үнемдеу қажет болған жағдайда, туралған ірі азықтардың иісі мен дәмін жақсарту мақсатында, оларды өз-өзінен қыздырады. Ол үшін туралған ірі азықтарды ені де, тереңдігі де 1,5 метрден кем емес ыдысқа салады. Бұл ыдыстардың міндетті түрде жылы жерге орналастырылуы керек. Туралған азықтың әр қабатын салған сайын ыстық сумен немесе тұз ерітіндісімен (1 ц шөпке 80-100 л) дымқылдап және нығыздап отырады. Ыдыс толғаннан кейін бетін құрғақ сабанмен жабады. 3-4 күн өткендс микробтардың тіршілік әрекетінің әсерімен сабан 35-400С-ға дейін қызады, иісі нан иісіндей болады, содан соң мал оны сүйсініп жейді.
