Азықтарды кальцийлі сақармен (содамен) өңдеу

Азықты өңдеу процесі мынадай. Сабанды турап жатқанда немесе турап болған бойда оны 1 тоннаға 800-1000 л есебімен 5%-дық кальцийлі сақар ертіндісімен дымқылдайды. Реагент мөлшерін көбейту өңдеу тиімділігін арттырмайды.

Сабанды дымқылдағаннан кейін, азық булағыштарда булауға болады. Туралған және ерітіндімен дымқылданған сабанды арнайы дайындалған орға не шұңқырға (1 м³ ыдысқа 1-1,2 ц сабан сыяды) нығыздап салады.

Сақтау орнын (ыдысты) дымқылданған сабанмен толтырып болған соң, жылу шығынын азайту мақсатында, оны құрғақ сабан қабатымен жабады. 4-5 күн өткеннен кейін, бактериялардың тіршілік әрекеті нәтижесінде сабан температурасы 45-50ӘС-ға дейін көтеріледі, сол кезден бастап азықты малға бере беруге болады.