Әйелдер мен балалар. Бір бала жолаушыларды көріп қалады. Бала. Қалашылар келеді, қалашылар!

1. 
   Бала. Қалашылар келеді, қалашылар!
   
2. 
   Әйел адам. Анау Абай ғой, айналайын! Апасына айтып сүйінші сұрайыншы!
   
3. 
   Жас әйел. Бәсе, Телғара ғой, жаным-ау, мынау! Телғара! Әпкеме айтайыншы. (екі әйел таласа ұмтылады)
   

4. 
   Ұлжан. Әй, шырағым, балам, әуелі ар жағыңда әкең тұр! Сәлем бер!
   
5. 
   Құнанбай. Балам, бойың өсіп, ер жетіп қалыпсың-ау! Молда болдың ба? Бойыңдай боп білімің де өсті ме?
   
6. 
   Абай. Шүкірлік, әке! Ат барған соң, дәріс тамам болмаса да, қазіреттің рұқсатын, фатиқасын алып қайттым.
   
7. 
   Майбасар (арқасынан қағады). Өзі бір көшелі кісі боп қапты. (Құнанбай мен Майбасарға Жұмабай кеп қосылады. Үшеуі әңгімелесіп ары кетіп қалады.)
   
8. 
   Бірнеше әйел келіп, Абайды сүйе бастайды. Телғара, айналайын Телғара! Соқталдай азамат боп кетіпсің-ау!
   
9. 
   Айғыз (көзінен кеп сүйеді). Пай, жаман әйелдер-ай, баламыздың бетінен сүйер жер қалдырмадыңдар-ау!
   
10. 
    Ұлжан (құшағына қысады, маңдайынан иіскейді). Құлыным! Әжеңе бар, әнеки!
    
11. 
    Зере әже таяғына сүйеніп тұрады. Жаман неме, маған келмей, әкеңе бұрын кеттің, жаман неме! Қарашығым, қоңыр қозым, Абайжаным!
    
12. 
    Әйелдер. Елді сағындың ба? Кімді сағындың? Молда болдың ба? Оқып болдың ба?
    
13. 
    Абай. Оспан қайда жүр осы? Қайда жүр?
    
14. 
    Ұлжан. Е, жүр-дағы, жынды неме. Бүгін маза бермеген соң, қуып шыққанбыз.
    
15. 
    Зере әже. Не дейді? Не деп жатырсыңдар? Естімедім.
    
16. 
    Абай. Әже-ау, былтыр бұндай емес едің. Құлағыңа не болған?
    
17. 
    Зере. Балам-ай әжеңде қуыс кеуде болмаса, не сымбат қалды дейсің?!
    
18. 
    Абай (күліп). Жазыла ма өзі?
    
19. 
    Зере. Үшкірсе, кейде ашылып кетеді. Үшкірген жағады.
    
20. 
    Айғыз. Үшкірсе, балаң молда болып келді ғой. Үшкірт балаңа!
    
21. 
    Абай. Ұшады бозша торғай көдені ықтап,
    

Кәрі әжем естімейді, нана берсін,

22. 
    Жас келіншектер күледі. Абай ұялып далаға шығып кетеді.