Өтелбай. Бәріне кінәлі – Ақбөпе.
Күнімбала. Бұл қай сөзің, байқұс-ау?! Ақбөпенің жазығы көрікті, ақылды, ақын қыз болғаны ма?
Өтелбай (жайымен). Әрине, солай. Аяқ жетер жердегі беті жылтыраған ұрғашының бәрі – би-болыстың баласынікі. Оның үстіне атының жорға болғанын мақтан көретін қазақ қатынының ақын болғанына жарылып кетер.
Күнімбала (сөзін бөліп). Жоқ. Бәріне кінәлі – біздің кедейлігіміз, сенің аз үй қыпшақтығың. Өзіңнің Арқаңда, қалың арғын, қыпшақтың ортасында отырайықшы, Ноғайбай болыс тұрмақ, Өтеген батыр тіріліп келсе де тісі батпас еді. Бұл аймақта Ноғайбайдың бетінен қағар тірі пенде жоқ, Ақбөпені алмай тынбайды енді олар.
Достарыңызбен бөлісу: |
