Емшек безінің рагы кеселінің пайда болуына ықпал етуі мүмкін жағдайлар:
тұқым қуалайтын кейбір аурулар;
айналадағы табиғаттың жағымсыз әсерлері;
қант диабеті;
бауырдың, қалқанша бездің, жыныс бездерінің аурулары.
Емшек безі рагының дамуы 4 сатыға бөлінеді:
Бірінші сатысы:
үлкендігі 2 см дейін өскен, айналасындағы май клеткасына кіріп өспеген, метастасы жоқ.
Екіншісі сатысы:
ісіктің үлкендігі 2 см-ден 5 смге дейін, метастасы жоқ.
Үшінші сатысы:
ісіктің көлемі 5 см-ден үлкен, регионалдық метастаздар бар.
Төрітінші сатысы:
метастазы бар, ісік үлкен.
Мастопатия
Бұл әйелдерде жиі кездесетін сүт бездерінің қатерсіз дерті. Өзгерістер тін жалғауларының өсіп кетулеріне байланысты және безбен түтіктерге тиіп кетіп, артрофия мен кистаға әкеліп соғады. Сүт бездерінің нығыздауы немесе түйіндеуі, қолға білінетін, сондықтан әйелдердің өздеріне белгілері білінсе дәрігерге көрінуі керек. Етеккір келер кезде ауырса, емшектің ұшынан ақ шырыш немесе қызғылт түсті сыртқа шықса. Егер мастопатия асқынса, кеуде қол ұстатпай ауырады.
ЛИПОМА
Май тіндерінен қалыптасады. Пальпация кезінде жұмсақ және ауыру сезімсіз болып келеді. Липома өздігінен кетпейді. Сондықтан үлкен болып өсіп кеткен кезде хирургиялық әдісімен алып тастау қажет. Қатерлі ісікке ауысып кетуі ықтимал.
Сүт жолдарының папилломасы
Бұл патология фиброаденоматозды бір түрі. Бүртікті өсіндірлер сүт без жолдарының ішіне қарай жайылады. Симптомдары – сүт без ұшынан неше түрлі бөлінділер көрінеді (қан тәрізді немесе ашық түсті). Емдеу әдісі – хирургиялық – папиллома бар тіндерді кесіп алып тастау.
ФИБРОАДЕНОМА
Жиі 35 жастағы әйелдерде кездеседі. Жәй өседі. Пальпация кезінде домалақ, қозғалмалы болып сезіледі. Фиброаденомның екі түрі бар: әдеттегі және жапырақ тәрізді. Жапырақ тәрізді фиброаденома қатерлі ісікке тез айналады, сондықтан ауруды анықтағаннан кейін тез арада хирургиялық ем жүргізу керек.
