ГИПОТАЛАМУСТЫҢ ҚЫЗМЕТІН РЕТТЕУ

Гипоталамустың нейросекреторлық қызметі орталық жүйке жүйесінің жоғары жатқан бөлімдерімен реттеледі. Оның орталық мимен, таламуспен және лимб жүйесімен екі жақты тығыз байланысы бар. Әсіресе лимб жүйесі, миндаль пішінді ядроның, гиппокамптың реттеу барысында маңызы үлкен. Гипоталамусқа мидың үлкен жарты жарларының қыртысы да реттеушілік ықпал жасайды. Гипоталамусқа бұл әсер серотонин, ацетилхолин, норадреналин сияқты нейромедиаторлардың және энкефалиндер мен эндорфиндердің көмегімен жүзеге асырылады. Эпифиз де өзінің реттеушілік әсерін гонадолибериндердің бөлінуін тежейтін гормондар бөлу арқылы жүргізеді. Шеткері эндокриндік бездер және гипофиз кері байланыс принципі түрінде гипоталамустың гормон өндіру және бөлу қызметіне әсерлерін тигізе алады.