1 дәріс. Объектілі бағытталған бағдарламалау түсінігі

Object Pascal тілінде типі анықталмаған формалды параметр­ айнымалылар (типсіз параметрлер) да пайдаланылады. Оған сәйкестен-дірілетін нақты параметр–айнымалының типі кезкелген бола алады. Мысалы,

Procedure Clon(var m: integer; var n);

Сонымен қатар, Object Pascal тілінде ішкі программаны шақырғанда елемей кетуге болатын параметрлер де пайдаланылады. Елемейтін параметрлер формалды параметр тізімінің соңына мына пішіммен жазылады:

Мысалы,

Procedure Pros(mas: array of Integer; s: string = ‘’);

процедурасын шақырудың екі түрі бар:

Pros([2,4,6,8,10], ‘Параметр’);

Pros([2,4,6,8,10]);

Формалды параметрлердің типі стандартты немесе күні бұрын анықталған тип қана бола алады. Мысалы, ішкі программаға жиымды параметр арқылы беру керек болса, оның типін бұрын сипаттап алу керек:

type

Procedure Pro1 ( var Masp: MType);

Қысқа символдық жол жиымның бір түрі деп есептелетіндіктен, оны ішкі программада параметр ретінде былай сипаттауға болады:

type

S2_Type = String[20];

Function Runstr (s: S1_Type): S2_Type;

Ашық жиымдар.

Object Pascal тілінде ұзындығы айнымалы болып келетін бір өлшемді жиымды (оны ашық жиым дейді) ішкі программаға параметр ретінде беруге мүмкіндік бар. Бұл жағдайда оның базалық типі ғана жазылады:

Procedure Pro2 ( Masp: array of Integer);

…

Параметрі ашық жиым болатын ішкі программаны шақырғанда аргументтің орнына жиым конструкторын қоюға рұқсат етіледі. Жиым конструкторы деп тік жақшалармен қоршалып, үтірлермен айырылып жазылған жиым элементтерінің мәндерін айтады. Мысалы, алдыңғы процедураны пайдаланып

Mas: array[1..5] of Integer = (10, 20, 30, 40, 50);

begin

Pro2(Mas);

деп жазудың орнына, төмендегіше шақыруға да болады:

begin

Pro2([10, 20, 30, 40, 50]);