Өзін-өзі бақылау сұрақтары:
1. Логопедиялық ритмика туралы зерттеулер?
2. Логоритмиканың пайдасы қандай?
3. Музыкалық – ритмикалық тәрбие әдістемесін балаларға арнап ашқан кім?
Әдебиеттер:
https://ustazdar-alemi.kz/index.php/logoped/116-logoritmika
22-дәріс. Тақырыптың аталуы: Логопедиялық тақпақтар
Дәріс жоспар:
1. Логопедиялық тақпақтар
2. Логоритмиканың балаға маңызы
1. Логопедиялық тақпақтар.
Логопедиялық тақпақтармен орындалатын артикуляциялық жаттығулар арқылы
– артикуляциялық аппаратты дайындау,
– сөздік қорын молайту,
– есте сақтау қабілетін дамыту.
Жұмыстың жаңашылығы: әр артикуляциялық жаттығуға жаңадан тақпақтар жазылып, пайдалануға ұсынылады.
«Ат шауып келеді»
Ат қандай тамаша,
Мінемін мен атқа,
Шапшаң шабады шабандоз
Шабандозға ат дос .
Сипаттама: тілді таңдайға жабыстырып баяу, жылдам қағу керек. Тіл асты желбезегін созу.
«Күрекше»
Күрекше сатып алдым кеше,
Әкелдім мен бөпеме,
Қуанып қалды өзгеше
Ойнаймын деп көшеде .
Сипаттама: жалпақ тілді ауыз қуысынан шығарып, төменгі ерінге салып 10-15секунд ұстап тұру керек. Тілді қимылдатпай ұстап тұруын қадағалау керек.
«Кесе»Кесе әдемі қандай,
Шәйі тәтті балдай,
Балдан да тәтті шәй қандай
Ішемін мен шөлге қанбай!
Сипаттама: ауыз кең ашық, жалпақ тілді жоғары тіске қарай көтеріп 10-15секунд ұстап тұру керек. Бірақ тіл тіске тимеуі керек.
«Ине»
Ине біз тәрізді,
Тілім ине тәрізді,
Жіңішке тілді жасап ап,
Тұрды тілім тік инеге ұқсап!
Сипаттама: ауыз ашық, тілді жіңішкертіп ауыздан шығарып 10-15 секунд ұстап тұру керек.
«Мысық» (төбешік)
Мияулайды мысық
Керіледі қызық,
Тілімді бүктім
Мысыққа ұқсаттым.
Сипаттама: ауыз сәл ашық, тілдің екі бүйірі жоғары азу тістерге тиіп тұр. Тілдің ұшы алдынғы төменгі тістерге кірелген. Осы қалыпта 10-15 секунд ұстап тұру керек.
Достарыңызбен бөлісу: |
