Сутегіні алу барысында электролизердің меншікті қуаттылығының артуы, немесе жоғарғы ток тығыздықтарын пайдалану не себепті шектелетіндігін түсіндіріп беріңіз
25. Сутегіні алу барысында электролизердің меншікті қуаттылығының артуы, немесе жоғарғы ток тығыздықтарын пайдалану не себепті шектелетіндігін түсіндіріп беріңіз. Электролиз кезінде электродтардағы тоқ тығыздығы ескі конструкциялы электррлизерлерде – 400-600 А/м². Ал бөлінген газдарды жылдам бөліп алатын және газ көпіршіктерінің жинақталып қалуына мүмкіндік бермейтін кейінгі жаңа конструкциялы электролизерлерде өндірістік жағдайда 2500-2700 А/м² тоқ тығыздықтарында электролиз процестері жүргізіледі. Бұл кезде электродтардағы тоқ тығыздығының жоғарылауы кезінде электр энергиясының шығыны мардымды өспейтіндігі байқалады. Әдебиеттердегі мәліметтерде оттек және сутек газдарын алуда қолданылатын 8600 А/м² - ге дейінгі тоқ тығыздықтарында жүргізуге болатын электролизерлердің бар екендігі көрсетілген. Барлық жағдайда электродтардағы оптималды тоқ тығыздықтарының мәні алынған заттың өзіндік құны мен цех қондырғыларының, электролизердің және электр энергиясының шығыны үлестерінің ара қатынасымен анықталады. Бұл тоқ тығыздығы үнемді тоқ тығыздығы деп те аталып жүр. Таза су арқылы электролиз процесін жүргізу мүмкін емес, себебі оның электр өткізгіштігі өте төмен. Мысалы, дистелденген судың меншікті электр өткізгіштігі 4* Ом/м болса, ауыз судың бұл көрсеткіші – 1* Ом/м. Сол себепті электролиз әдісімен суды ыдырату үшін оған фонды электролиттер қосады. Көптеген минералды қышқылдар судың меншікті электр өткізгіштігін күрт жоғарлатады, бірақ жан – жақты зерттеулер, қолданыс тұрғысынан және басқа да жағдайларды ескеріп, фонды энатрий гидроксиді мен калий гидроксиді ерітінділерін қолдануды дұрыс деп көрсеткен. Сөйтіп, өндірісте сутек және оттек газдарын алу үшін натрий және калий гидроксидтерінің ерітінділері қолданыс тауып келеді. Сутек және оттекті электродтарда төмен аса кернеулікпен бөліп алу мақсатында ерітіндінің меншікті электр өткізгіштігін жоғарлату үшін сілтілі ерітіндідегі электролизді жоғары температураларда жүргізеді.
