Жауапкердің мүддесін қорғау. Жауапкер қорғану мүмкіндігін талапқа қарсылық білдіру немесе қарсы талап қою жолымен жүзеге асыра алады.
Процессуалдық қарсылық – бұл талапкердің талабының заңсыздығын негіздеуге бағытталған жауапкердің қарсылығы. Мысалы, талапкердің талап қою құқығының жоқ болуын жауапкер негіздейді.
Материалдық құқықтық қарсылық – бұл талапкердің сотқа жолдану құқығының жоқ болуын негіздеуге бағытталған жауапкердің қарсылығы. Мысалы, жауапкердің кінәсінің жоқтығын дәлелдеуі. Ол жоққа шығару (дауалау) немесе дәлелді қарсы болу тәсілдерімен жүзеге асырылады.
Қарсы талап – бұл жауапкердің өз құқығын немесе заңды мүддесін қорғау туралы дербес талаппен сотқа жолдануы. Қарсы талап сот шешімі шыққанға дейін, сол сотқа берілуі тиіс. Сот қарсы талапты АІЖК-нің 157-бабында қарастырылған талаптардың біреуіне жауап беретін болғанда қабылдайды.
